Mu rukerera rwo kuri uyu wa mbere taliki ya 16 Werurwe 2026 ,mu mujyi wa Goma humvikanye urusaku rwamasasu yatangiye kumvikana mu ma saa tanu z’ijoro, agahenge kagaruka mu ma saa saba.
Amasasu muri Goma yumvikanye ahazwi nka CCLK mu gace ka Kyeshero, Ndosho ndetse no mu gace ka Mugunga gaherereye mu majyaruguru ashyira uburengerazuba bw’uriya mujyi.
Isoko ya Rwandatribune iri Goma ivuga ko abateye baje bigabye amatsinda hari abavuye ahitwa Rusayu aribo bahingutse mu gace ka CCRK naho abavuye ahitwa Muja bakaba aribo bateye i Mugunga.
Iki gitero bivugwa ko cyari kiyobowe na Capt.Ilunga wa FDLR mu gihe abarwanyi ba Wazalendo babarizwa mu itsinda rya MPA bari batumwe na Col.Jean Marie.
Amasoko yacu ari mu mujyi wa Goma avuga ko hafashwe mpiri umu motari wari ufite Imbunda akaba Ari nawe wari umu gide w’Iki gitero.
Umwe mu bayobozi bakomeye muri M23 utashatse ko amazina ye atangazwa yabwiye Rwandatribune ko abateye 15 bahasize ubuzima mugihe abandi 2 bakomeretse bakaba bari kuvurizwa mu bitaro bya Goma.
Col.Jeanvier Niyoyo ukuriye umutwe wa MPA ubarizwa muri Wazalendo yabwiye ikinyamakuru Rutchuro actualite ko ihuriro rifatanyije na FARDC, FDLR na Wazalendo ariryo ryagabye igitero .
Ababyiboneye n’amaso bavuga ko iki gitero cyaba cyari gishingiye k’Ubusahuzi bw’Ibiribwa n’Imiti cyane ko abarwanyi ba FDLR, FARDC na Wazalendo bagotewe muri Pariki ya Virunga bakaba badafite ubutabazi,ikindi Kandi nuko benshi mu bishwe basanganywe imifuka ya kawunga n’imiceri.
Ibi bibaye nyuma yuko nanone mu minsi mike ishize indege itagira umupirote izwi nka drone igabye Igitero muri uyu mujyi wa Goma kigahitana abagera kuri batatu barimo umufaransakazi wari umukozi wa UNICEF.
Shamukiga Vedaste
Rwandatribune.rw
