Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > BK Igiye Kuganira n’Abacuruzi ba GOICO Basigayemo Imyenda ya Miliyari
AMAKURUUBUKUNGU

BK Igiye Kuganira n’Abacuruzi ba GOICO Basigayemo Imyenda ya Miliyari

ICYITEGETSE Florentine
Last updated: November 7, 2026 8:09 am
ICYITEGETSE Florentine
Share
SHARE

Banki ya Kigali (BK) yatangaje ko igiye gukorana n’abacuruzi n’abashoramari bahuye n’ingaruka z’inkongi y’umuriro yibasiye inyubako ya GOICO Plaza mu Karere ka Musanze, hagashakwa uburyo bafashwa kwishyura imyenda no kongera kubaka ibikorwa byabo.

Ibi byagarutsweho ku wa 5 Ugushyingo 2026, ubwo Umuyobozi Mukuru wa Banki ya Kigali, Dr Diane Karusisi, n’abandi bayobozi b’iyi banki basuraga abakiliya babo mu Karere ka Musanze, mu bikorwa byo kwizihiza imyaka 60 iyi banki imaze ikorera mu Rwanda.

Muri urwo ruzinduko, abayobozi ba BK bahuye n’abashoramari bagize uruhare mu kubaka GOICO Plaza ndetse n’abacururizagamo, baganira ku gihombo bahuye na cyo n’ibibazo by’imyenda bagifite nyuma y’uko iyo nyubako yibasirwa n’inkongi y’umuriro.

Perezida w’Urugaga rw’Abikorera mu Ntara y’Amajyaruguru, Tugengwenayo Theonase, yavuze ko Banki ya Kigali yagize uruhare mu gutera inkunga umushinga wo kubaka GOICO Plaza kuva watangira, ndetse ikomeza kuwufasha n’igihe abawushoyemo imari bahuraga n’ibibazo.
Yavuze ko nyuma y’inkongi y’umuriro, hasigaye imyenda igera hafi kuri miliyari imwe y’amafaranga y’u Rwanda itarishyurwa.

Yasabye iyi banki kureba uburyo yagabanya umutwaro w’iyo myenda, harimo no guhagarika inyungu ziyongeraho mu gihe abashoramari bakiri gushaka uko bazahaguruka.

Umuyobozi w’Intara y’Amajyaruguru, Mugabowagahunde Maurice, yashimiye Banki ya Kigali kuba yaragiranye ibiganiro n’abahuye n’ingaruka z’iyo nkongi, avuga ko hakenewe ibisubizo byafasha abacuruzi gusubukura ibikorwa byabo.

Yavuze ko hari abacuruzi bari bafite inguzanyo muri BK, ndetse n’inyubako ya GOICO Plaza ubwayo yari yarubatswe hifashishijwe inguzanyo y’iyo banki yari itarishyurwa yose.

Mugabowagahunde yavuze ko bumvikanye na BK ko abacuruzi n’abashoramari bafite ibibazo by’inguzanyo bazajya ku ishami ry’iyi banki riri i Musanze, bakagaragaza ibibazo byabo kugira ngo bisuzumwe buri wese ku giti cye, harebwe ubufasha ashobora guhabwa.

Yongeyeho ko Intara y’Amajyaruguru ishaka ko ibikorwa by’ishoramari muri Musanze bikomeza, aho guhagarara kubera ibibazo byatewe n’inkongi yibasiye GOICO Plaza.

Ku ruhande rwa Banki ya Kigali, Dr Diane Karusisi yavuze ko uru ruzinduko rwari rugamije kwegera abakiliya, kumenya ibibazo bahura na byo no kurebera hamwe uburyo banki yabafasha kongera kubyutsa ibikorwa byabo.

Yavuze ko iyi banki izakomeza kugirana ibiganiro n’abacuruzi n’abashoramari kugira ngo hashakwe ingamba zo kubafasha kwiyubaka no kongera gukora.

Mbere yo kugera kuri GOICO Plaza, abayobozi ba BK bari banasuye ishuri rya Virunga Valley Academy, Kaminuza ya INES-Ruhengeri n’uruganda rwa A1 Iron & Steel Rwanda, baganira n’abayobozi b’ibi bigo ku mishinga bafite n’uburyo banki yabafasha kuyiteza imbere.

Inkongi y’umuriro yibasiye GOICO Plaza ku wa 10 Ukwakira 2026, yangiza ibikorwa by’ubucuruzi byari muri iyi nyubako, ihombya abacuruzi n’abashoramari batandukanye.

Nubwo Banki ya Kigali yatangaje ko izakomeza kuganira n’abahuye n’iki kibazo, kugeza ubu ntiratangaza ko imyenda yabo yahagaritswe cyangwa yagabanyijwe; ahubwo buri kibazo kizajya gisuzumwa ukwacyo.

Share This Article
Email Copy Link Print
Previous Article FRN yasabye Amahanga Gutabara Abaturage bo muri Minembwe Bahangayikishijwe n’Inzara
Next Article Idrissa Ouedraogo Yatumiwe mu Birori Bikomeye Byabereye mu Buhinde
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUMU MAHANGAUMUTEKANO

Ukraine Yatangiye Gushaka Abasirikare b’Abanyamahanga Mu Rwego rwo Gukemura Ibura ry’Abarwanyi

By
ICYITEGETSE Florentine
AMAKURUMU MAHANGAUBUTABERA

RDC: Fils Mukoko Yatawe Muri Yombi, Ategereje Kuburanishwa

By
ICYITEGETSE Florentine
AMAKURUMU MAHANGAPOLITIKE

RDC: Guverinoma Yashyizeho Amasomo Akoreshwa n’Ikoranabuhanga mu Duce 18 Turi mu Byago bya Ebola

By
ICYITEGETSE Florentine
AMAKURUMU MAHANGAPOLITIKE

Congo Kinshasa: Joseph Kabila Ashinja Leta Gukorana na Fdlr na Wazalendo

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?