Icyemezo cya Trump cyo gufunga umuhora wa Horumuzi abasesenguzi basanga yaba impamvu y’intambara ya gatatu y’isi yose.
Nyuma y’ibiganiro by’amahoro byabuze igisubizo hagati ya Irani na Amerika no kuzamuka kw’ibiciro bya gaze na peteroli nabyo ubwabyo bifatwa nk indi ntambara ikomeye ku bukungu bw’isi n’ubucuruzi mpuzamahaga n’ubw’imbere mu bihugu byose bihangayikishije isi.
Ingabo za Amerika zivuga ko nta bwato na bumwe buzongera guca muri uwo muhora kuva uyu munsi.
Mohammad-Bagher Ghalibaf ukuriye inteko ishingamategeko ya Irani yatangaje ko “Amerika nibigerageza iza guhabwa isomo rikomeye”.
Ibi bibaye nyuma y’uko ibiganiro hagati ya Amerika na Iran byabereye i Islamabad muri Pakistan mu mpera z’iki cyumweru binaniranye.
Abasesenguzi bavuga ko utugunguru twa peteroli dusaga miliyoni ebyiri ku munsi dushobora kujya mu kaga mu gihe ubwikorezi bunyuze mu muhora wa Horumuzi bukomeje guhungabana.
Nk’uko ibinyamakuru byo ku isi hose bimaze iminsi itari mike bibigarukaho,Amerika yamaze gufata icyemezo gikomeye cuyo gufunga uyu muhora wa Horumuzi muri Irani mu rwego rwo kuyibuza kwinjiza amafaranga ahaturuka ari nayo yifashishwa mu ngengo y’imari y’igisirikari cya Irani,Horumuz yihariye 90% by’ingengo y’imari ishyirwa mu gisirikare cya Irani no muzindi nzego
Muri rusange ubwikorezi ku ngendo z’amato atwara ibikomoka kuri peteroli zaragabanutse cyane, kandi impungenge zariyongereye bituma ibiciro ku masoko byiyongera ndetse habaho n’ihindagurika rikomeye mu isoko ry’ingufu.
Ingaruka ku bukungu muri rusange zirahita zigaragara. Kuzamuka kw’ibiciro bya peteroli n’ibiyikomokaho bituma ibiciro by’ubwikorezi, ibiribwa n’ibindi bicuruzwa bizamuka, bigatera izamuka ry’ibiciro
Banki nkuru z’ibihugu zari zanatangiye kugabanya inyungu ku nguzanyo, ariko niba ibiciro bya peteroli bikomeje kuzamuka, bashobora gusubika iyo gahunda.
Ibihugu byinshi muri Afurika y’iburasirazuba byatangiye guhura n’izamuka ry’ibiciro by’ibikompoka kuri peteroli, ibi byahise bikurikirwa no kuzamuka kw’igiciro cy’ibicuruzwa bikenerwa buri munsi.
Abasesenguzi bashingiye ku mpamvu nyamukuru zagiye zishingirwaho ku ntambara z’isi zabaye uko ari ebyiri ngo basanga iyi mpamvu yaba izirusha ubukana kuko yo ifashe ku muturage wese utuye isi nta n’umwe izi ngaruka zitari kugeraho,mu gihe intambara zashize wasanga impamvu yazo ihuriweho n’ibihugu bike cyane ndetse bitageze kuri 10.
Ikindi bashingiraho basesengura iyi mpamvu ni uko uyu muhora wa Horumuzi ubusanze igihugu nk’Ubushinwa nicyo cyihariye umugabane munini wa Peteroli ihanyuzwa kuba cyafungirwa bikaba byasunikira ubushinwa n’Uburusiya muri iyi ntambara.
Ingaruka z’iyi ntambara n’agahenge kadafashe katangajwe mu minsi ishize bikomeje gutuma ubuzima bugorana henshi ku isi kandi bishobora kurushaho kumera nabi igihe hatabayeho kumvikana ngo intambara ihagarare.
Pierre Celestin Nsanzimana
Rwandatribune.rw
