Ishuri rikuru rya gisilikare ry’umutwe wa FDLR (ESM)ryatwitswe n’abarwanyi ba AFC/M23 i Rutangara
Mu kiganiro Umuvugizi w’ishami rya gisilikare muri FDLR Lt.Scramento yagiranye n’ikinyamakuru Rutchuru actualite dukesha iyi nkuru,yashinje umutwe wa AFC/M23 kubagabaho igitero cyari kigamije gusenya ikigo gikoreramo ishuri rikuru rya ESM(Ecole Souperier militaire)riri ahitwa Rutangara,muri Lokarite ya Bibwe,Gurupoma ya Bashali Mokoto,Teritwari ya Masisi,Kivu y’amajayaruguru.
Imirwano yatagiye kuwa 28 Kamena 2026 aho abarwanyi ba M23 bagabye igitero mu Rukerera mu birindiro by’uyu mutwe biri mu gace ka Rurangara gasanzwe kabarizwamo ishuri rikuru rya gisilikare n’ibiro bikuru bya Komisariya ya FDLR.
Isoko ya Rwandatribune iri muri ako gace ivuga ko habaye gutsimbarara kw’Abarwanyi ba FDLR ndetse bakitabaza ubufasha bwa Batayo CRAP iyaje iyobowe na Lt.Col Rurakabije Giyome,ndetse n’iitwe ya Nyatura Abazungu ikaba yarinjiye mu mirwano ivuye ahitwa Cyitso.
Ababyiboneye n’amaso bavuga imirwano yahoshoroye kuri aya manwa aho byarangiye umutwe wa AFC/M23 wigaruriye ibirindiro bya FDLR byabarizwagamo amashuri y’aba Ofisiye bakuru ndetse n’Aba suzofisiye(ESO).
Ishami ry’Amashuri muri FDLR rikuriwe na Gen.Bdg Rishirabake Bernard uzwi ku mazina ya Manzi Mutunzi,akaba yungirjwe na Gen.Bgd Korerimana Matovu ari nawe ushinzwe by’umwihariko amashuri ya ESO,buri mwaka hakaba harangizwamo byibuze aba ofisiye 1200.
Shamukiga Vedaste
Rwandatribune.rw
