Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > U Rwanda Rwamaganye Amasezerano ya RDC na FDLR, Ruvuga ko Anyuranye n’Intego z’Amasezerano ya Washington
AMAKURUPOLITIKEUMUTEKANO

U Rwanda Rwamaganye Amasezerano ya RDC na FDLR, Ruvuga ko Anyuranye n’Intego z’Amasezerano ya Washington

ICYITEGETSE Florentine
Last updated: July 29, 2026 11:40 am
ICYITEGETSE Florentine
Share
SHARE

Guverinoma y’u Rwanda yavuze ko amasezerano aherutse gusinywa hagati ya Guverinoma ya Repubulika Iharanira Demokarasi ya Congo (RDC) n’umutwe wa FDLR adahuye n’ibikubiye mu Masezerano ya Washington, ashimangira ko ayo masezerano mpuzamahanga yashyizweho agamije gusenya no gukuraho burundu ubushobozi bwa gisirikare bw’uwo mutwe, aho kuwushyira mu biganiro bya politiki.

Ibi byatangajwe na Minisitiri w’Ububanyi n’Amahanga n’Ubutwererane w’u Rwanda, Amb. Olivier Jean Patrick Nduhungirehe, mu butumwa yashyize ku rubuga rwa X kuri uyu wa 29 Nyakanga 2026, asubiza ibyari byatangajwe na Guverinoma ya RDC ko amasezerano yagiranye na FDLR yubahiriza ayasinyiwe i Washington.

Guverinoma ya RDC yari yatangaje ko porotokole yasinyanye na FDLR igamije gushyira imbere ibiganiro, guhagarika imirwano, kwambura intwaro abarwanyi b’uwo mutwe, kubafasha gusubira mu buzima busanzwe no kureba uko bamwe bashobora kwinjizwa muri gahunda za politiki n’iterambere.

Icyakora, u Rwanda ruvuga ko ibyo bidahuye n’intego z’Amasezerano ya Washington, rwibutsa ko ayo masezerano yasinywe hagati y’u Rwanda na RDC ateganya ko FDLR isenywa burundu kandi ikamburwa ubushobozi bwose bwa gisirikare.

Amb. Nduhungirehe yavuze ko FDLR atari umwe mu bagize uruhare mu Masezerano ya Washington, ahubwo ko ari umutwe ugomba kurandurwa nk’uko ayo masezerano abiteganya.

Yavuze kandi ko kugirana amasezerano n’uwo mutwe bidashobora gufatwa nk’ishyirwa mu bikorwa ry’ibyemeranyijwe i Washington, ahubwo ko bishobora kudindiza ishyirwa mu bikorwa ry’inshingano RDC yemeye zo guhashya FDLR no kugarura umutekano mu Burasirazuba bw’icyo gihugu.

Minisitiri Nduhungirehe yanavuze ko kuva Amasezerano ya Washington yasinywa, RDC yakomeje gufasha FDLR mu buryo bwa gisirikare, avuga ko hari bamwe mu bayigize binjijwe mu ngabo za Congo, ndetse ikanayiha urubuga rwa politiki binyuze mu bantu batandukanye bayishyigikira.

Yashimangiye ko ibikorwa byo kuvuga ko ayo masezerano yubahiriza ay’i Washington bidashobora guhindura ibikubiye muri ayo masezerano mpuzamahanga, asaba ko hubahirizwa ibyo impande zombi ziyemeje kugira ngo amahoro n’umutekano birambye bigaruke mu karere.

Iyi ngingo ikomeje gukurikirwa n’amahanga, mu gihe hakomeje ibiganiro n’ingamba zigamije gushakira amahoro arambye mu Burasirazuba bwa Repubulika Iharanira Demokarasi ya Congo.

RWARINDA Gaston

Rwandatrubune.rw

Share This Article
Email Copy Link Print
Previous Article Zelensky Strengthens Ties with Trump, Secures Senate Victory During Washington Visit
Next Article Loni yahaye u Rwanda miliyoni 2 z’Amadolari yo gukaza ingamba zo kwirinda Ebola
Leave a Comment

Leave a Reply Cancel reply

Your email address will not be published. Required fields are marked *

You Might Also Like

POLITIKEAMAKURUMU MAHANGAUMUTEKANO

Macky Sall na Bagenzi Be Batanu Biyamamarije Kuyobora Umuryango w’Abibumbye

By
ICYITEGETSE Florentine
AMAKURUIMYIDAGADUROUBUZIMA

Nyiranyamibwa Souzane Wapfuye ni Muntu ki?

By
ICYITEGETSE Florentine
AMAKURUMU MAHANGAPOLITIKE

Tooro : Indagu zagaragaje ko umwana w’umwaka  1 ariwe ugomba kwima  ingoma

By
Ildephonse Dusabe

Kinshasa:FDLR yongeye kuba inyama yotsa muri Diplomasi ya Congo

By
Mwizerwa Ally
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?