Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Kalehe: FARDC na Wazalendo Bavuga ko Bongeye Kwigarurira Ibice by’Ingenzi
AMAKURUMU MAHANGAUMUTEKANO

Kalehe: FARDC na Wazalendo Bavuga ko Bongeye Kwigarurira Ibice by’Ingenzi

ICYITEGETSE Florentine
Last updated: September 18, 2026 12:47 am
ICYITEGETSE Florentine
Share
SHARE

Imirwano ikomeye yongeye kuvugwa muri Teritwari ya Kalehe, mu Ntara ya Kivu y’Amajyepfo, aho ingabo za Repubulika Iharanira Demokarasi ya Congo (FARDC), zifatanyije n’abarwanyi ba Wazalendo, zivuga ko zagaruye igenzura ry’ibice bitandukanye byari bimaze iminsi bivugwamo ibikorwa bya AFC/M23.

Col. Eric Tungane, Umuvugizi wa Wazalendo muri ako gace, yabwiye Rwandatribune ko nyuma y’imirwano ikomeye yabereye mu bice bitandukanye bya Kalehe, abarwanyi ba Wazalendo bafatanyije na FARDC bongeye kugenzura uduce twa Mutara, Kivoka, Tushungute na Kashovu, ndetse n’ahari icyicaro cya AFC/M23 i Nteko-Miko.

Tungane yavuze ko izi mpinduka zabaye nyuma y’imirwano ikomeye yahuje impande zombi, aho FARDC na Wazalendo bagabye ibitero ku birindiro by’abarwanyi ba AFC/M23.

Uyu muyobozi kandi yatangaje ko muri iyo mirwano hafashwe abarwanyi 11 ba AFC/M23, barimo umuyobozi umwe w’uyu mutwe. Yavuze ko hafashwe kandi intwaro nto n’iziremereye ndetse n’amasasu byari bitunzwe n’abo barwanyi.

Aya makuru kandi ashyigikiwe n’Umuvugizi wa FARDC muri Kivu y’Amajyepfo, Lt. Reagan Kalonji, wavuze ko ingabo za Leta, zifatanyije na Wazalendo, zabashije kongera kwigarurira ibice bitandukanye bya Kalehe.

Kalehe ni kamwe mu duce two muri Kivu y’Amajyepfo tumaze igihe turangwamo imirwano ihanganishije FARDC n’imitwe yitwaje intwaro iyishyigikiye, ku ruhande rumwe, n’abarwanyi ba AFC/M23 ku rundi.

Imirwano yo muri aka gace yagiye ituma igenzura ry’ibice bimwe na bimwe rihinduka, cyane cyane mu bice bya Ziralo, aho Kivoka na Tushunguti biri.

Nubwo FARDC na Wazalendo bavuga ko bongeye kugenzura ibi bice, Rwandatribune ntirashobora kwigenga kwemeza niba uduce twose twavuzwe twari dusanzwe tugenzurwa na AFC/M23 mbere y’iyi mirwano, cyangwa niba ubu twose twamaze gusubira mu maboko ya FARDC na Wazalendo.

Rwandatribune kandi yagerageje kuvugana n’Umuvugizi wa AFC/M23, Lawrence Kanyuka, kugira ngo atange igisobanuro cy’uruhande rwe ku mirwano ndetse n’ibivugwa ku mpinduka mu igenzura ry’ibice bya Kalehe, ariko kugeza igihe iyi nkuru yandikwaga, ntibyashobotse kumubona.

Ku bijyanye n’ifatwa ry’abarwanyi 11, barimo umuyobozi umwe, ndetse n’intwaro n’amasasu bivugwa ko byafashwe, ayo makuru aracyashingira ku byo Col. Eric Tungane yatangarije Rwandatribune. Hakomeje gushakwa amakuru yemejwe n’izindi Nzego zigenga.

Mwizerwa Ally

rwandatribune.rw

Share This Article
Email Copy Link Print
Previous Article Eswatini: Princess Lindiwe, Sister of King Mswati III, Dies
Next Article Kalehe: FARDC and Wazalendo Claim to Have Recaptured Key Areas
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUIMIKINO

Yaoundé Kanyankore Gilbert, Umunyabigwi Mu Mupira w’Amaguru Mu Rwanda no Mu Burundi, Yitabye Imana

By
ICYITEGETSE Florentine
MU MAHANGAAMAKURUUMUTEKANO

Loni Yafatiye Ibihano Bishya Nangaa n’Abayobozi Ba M23, FDLR, Twirwaneho na ADF

By
ICYITEGETSE Florentine
AMAKURU

Kagame ku Bafunga Inganda z’Inzoga: “Abantu Barapfa, ese Turashaka Inganda Cyangwa Abakozi Bazikoramo Bagahitanwa n’Ibyo Bakora?”

By
ICYITEGETSE Florentine
POLITIKEAMAKURUMU MAHANGA

Nduhungirehe yanenze “Genocost” ya RDC: “Ntushobora kuvuga Jenoside ukorana n’abayigizemo uruhare”

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?