Ingabo za Repubulika Iharanira Demokarasi ya Congo (FARDC) zohereje itsinda ry’abasirikare mu bice bya Kahundji, muri secteur ya Gungu, na Mampungu, muri territoire ya Bulungu, mu Ntara ya Kwilu, mu rwego rwo gukumira amakimbirane ashingiye ku mpaka z’imbibi z’ubutaka.
Iri tsinda ry’ubukangurambaga ryageze muri utwo duce mu gihe hari hamaze kugaragara umwuka mubi hagati y’abaturage bo mu bice bituranye, bapfa imipaka y’ubutaka.
Mu biganiro bagiranye n’abaturage, abahagarariye FARDC babasabye kwirinda ibikorwa by’urugomo, ahubwo bagashakira umuti w’ibibazo bafitanye binyuze mu biganiro n’uburyo bw’amahoro.
Ingabo kandi zasabye abaturage bo muri Kahundji na Mampungu gukorana n’inzego z’ubuyobozi, kugira ngo hashakwe igisubizo kirambye ku bibazo by’imbibi z’ubutaka bivugwa ko biri mu ntandaro y’amakimbirane.
Iri tsinda ryoherejwe muri utwo duce mu rwego rwo gukumira ko ayo makimbirane arushaho gukaza umurego no guteza umutekano muke mu baturage.
Rwandatribune.rw
