Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > FRN Yihakanye Gushaka Gufata Uvira, Ishinja Kinshasa Ibitero
AMAKURUMU MAHANGAPOLITIKE

FRN Yihakanye Gushaka Gufata Uvira, Ishinja Kinshasa Ibitero

ICYITEGETSE Florentine
Last updated: November 6, 2026 9:07 am
ICYITEGETSE Florentine
Share
SHARE

Umutwe wa Front pour la Refondation de la Nation (FRN) wahakanye ko ufite umugambi wo kwigarurira umujyi wa Uvira, uherereye mu Ntara ya Kivu y’Amajyepfo muri Repubulika Iharanira Demokarasi ya Congo (RDC), ushinja ingabo zishyigikiye ubutegetsi bwa Kinshasa gukomeza kugaba ibitero mu bice bitandukanye by’Uburasirazuba bw’iki gihugu.

Ibi uyu mutwe wabigarutseho mu itangazo washyize ahagaragara ku wa 4 Ugushyingo 2026, ryashyizweho umukono na Lawrence Kanyuka, ushinzwe itumanaho akaba n’Umuvugizi wawo.

Muri iryo tangazo, FRN yavuze ko nta mugambi, ubushake cyangwa inyungu ifite byo kwerekeza mu mujyi wa Uvira, ivuga ko amakuru ayishinja gushaka kuwufata agamije kuyobya abaturage no kurangaza amahanga ku bibazo by’umutekano muke mu burasirazuba bwa RDC.

Uyu mutwe kandi washinje ihuriro ry’ingabo zishyigikiye ubutegetsi bwa Kinshasa, ririmo FARDC, FDLR, imitwe ya Mai-Mai, abacanshuro n’ingabo z’u Burundi, kugaba ibitero ku baturage b’abasivili no ku duce uvuga ko igenzura.

FRN yavuze ko mu gihe cy’amezi arenga abiri, ibyo bitero byagiye bikorwa hifashishijwe indege z’intambara, drones, imbunda ziremereye, misile n’ingabo zirwanira ku butaka.

Mu duce uyu mutwe wavuze ko twibasiwe harimo Minembwe, Point Zéro, Mukoko, Rugezi na Kipimo muri Kivu y’Amajyepfo, Katogota na Lubarika mu kibaya cya Ruzizi, Kasika muri Mwenga, ndetse n’uduce twa Shabunda na Bunyakiri.
Wagarutse kandi ku duce two muri Masisi, Walikale na Lubero, mu Ntara ya Kivu y’Amajyaruguru.

Ku wa 5 Ugushyingo 2026, Lawrence Kanyuka yongeye gutangaza ko ingabo zishyigikiye ubutegetsi bwa Kinshasa zagabye ibitero mu bice bitandukanye by’Intara ya Kivu y’Amajyepfo.

Mu makuru yatangaje kuri uwo munsi, yavuze ko ibitero byatangiye ahagana saa moya za mu gitondo byibasiye Nyamarhege, Lulaba na Chulwe, mu gace ka Nzibira muri Teritwari ya Walungu.

Yongeyeho ko ikindi gitero cyagabwe ahagana saa mbiri n’igice za mu gitondo mu gace ka Kasika, na ko kari muri Teritwari ya Walungu.

Kanyuka yavuze ko ibyo bitero byakoreshejwemo drones z’intambara, indege z’intambara, imbunda ziremereye n’ingabo zo ku butaka, ashinja Kinshasa gukomeza inzira y’imirwano nubwo hari umuhate wo kugabanya umwuka mubi.

Icyakora, ibyo birego n’amakuru y’ibitero byatangajwe na FRN ntibihita byemeza ko byabaye uko uyu mutwe ubivuga, kuko ari ibivugwa n’uruhande rumwe mu ntambara.

Ku bijyanye n’ibiganiro by’amahoro, FRN yongeye gushimangira ko igishyigikiye inzira y’ibiganiro bya Doha n’ishakishwa ry’umuti wa politiki urambye ku bibazo bya RDC.

Gusa, uyu mutwe wavuze ko utazarebera igihe uduce uvuga ko ugenzura n’abaturage baho bibasiwe, ushimangira ko ufite uburenganzira bwo gufata ingamba zose ubona zikenewe mu kubarinda.

Iri tangazo rije mu gihe umutekano ukomeje kuba ikibazo gikomeye mu bice bitandukanye bya Kivu y’Amajyaruguru na Kivu y’Amajyepfo, aho imirwano hagati y’ingabo za Leta ya RDC n’imitwe iyirwanya ikomeje kugira ingaruka ku baturage.

Share This Article
Email Copy Link Print
Previous Article RDC: James Swan Yasuye Beni Agiye Kureba Uko Umutekano n’Ubuzima Bihagaze
Next Article Uvira Yongeye Kuba Ipfundo ry’Intambara mu Burasirazuba bwa Congo
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUMU MAHANGAPOLITIKE

TOORO: Umwami Agiye Gukora Umuhango Gakondo Ujyanye no Kuzamuka ku Ngoma

By
ICYITEGETSE Florentine
AMAKURUMU MAHANGAPOLITIKEUBUTABERA

RDC: Amerika Yakuye General François Olenga ku Rutonde rw’Ibyo Yafatiye Ibihano

By
ICYITEGETSE Florentine
AMAKURUUBUTABERA

Nyuma y’Imyaka 32 Mu Buhungiro, Ukekwaho Jenoside Yagaruwe na Amerika mu Rwanda

By
ICYITEGETSE Florentine
AMAKURUMU MAHANGAUBUTABERA

Uganda:Abahoze Bayobora Ubutasi bwa Gisirikare Bari Gukorwaho Iperereza ku Byaha by’Umutekano”.

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?