Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Nyuma y’Imyaka 32 Mu Buhungiro, Ukekwaho Jenoside Yagaruwe na Amerika mu Rwanda
AMAKURUUBUTABERA

Nyuma y’Imyaka 32 Mu Buhungiro, Ukekwaho Jenoside Yagaruwe na Amerika mu Rwanda

ICYITEGETSE Florentine
Last updated: November 9, 2026 9:40 pm
ICYITEGETSE Florentine
Share
SHARE

Leta Zunze Ubumwe za Amerika yohereje mu Rwanda Jean Léonard Teganya, ukekwaho kugira uruhare muri Jenoside yakorewe Abatutsi mu 1994, kugira ngo akurikiranwe n’ubutabera bw’u Rwanda.

Teganya yagejejwe mu Rwanda ku wa Mbere, tariki ya 9 Ugushyingo 2026, nyuma y’imyaka isaga 30 yari amaze aba hanze yarwo.

Uyu mugabo akurikiranyweho ibyaha bya Jenoside n’ibyaha byibasiye inyokomuntu bivugwa ko yakoreye mu cyahoze ari Perefegitura ya Butare, ahari mu Ntara y’Amajyepfo y’u Rwanda.

Teganya yavutse mu 1971, avukira mu Murenge wa Gatumba, mu Karere ka Ngororero. Mu 1994, yari umunyeshuri wiga ubuvuzi muri Kaminuza Nkuru y’u Rwanda, akaba yarakoraga imyitozo ngiro mu Bitaro bya Kaminuza bya Butare.

Ubushinjacyaha bwa Leta Zunze Ubumwe za Amerika bwavuze ko mu gihe cya Jenoside, Teganya yari mu bagize umutwe w’Interahamwe n’ishyaka MRND, ndetse ko yagize uruhare mu bikorwa byibasiraga Abatutsi bari bahungiye mu Bitaro bya Butare. Ibyo birego byagaragajwe mu rubanza rwe rwo muri Amerika.

Nyuma ya Jenoside, Teganya yavuye mu Rwanda, anyura mu bihugu birimo Zaire, Kenya n’Ubuhinde, mbere yo kugera muri Canada mu 1999, aho yasabye ubuhungiro ariko ntibumuhabwe.

Mu 2014, yafashwe n’inzego zishinzwe abinjira n’abasohoka muri Leta Zunze Ubumwe za Amerika, nyuma yo kwambuka umupaka ava muri Canada. Yongeye gusaba ubuhungiro, ariko aza gukurikiranwaho kubeshya mu nyandiko z’abinjira n’abasohoka no mu rukiko.

Ni ngombwa gutandukanya uru rubanza n’ibirego bya Jenoside: igihano yakatiwe muri Amerika cyari gishingiye ku buriganya no kubeshya, ntabwo yari yakatiwe icyaha cya Jenoside muri icyo gihugu.

Mu Rwanda, Ubushinjacyaha Bukuru bwari bwaramushyiriyeho dosiye mu 2014, bumukurikiranyeho ibyaha bya Jenoside n’ibyaha byibasiye inyokomuntu bivugwa ko yakoreye i Butare.

Kugarurwa kwe mu Rwanda ni indi ntambwe mu bikorwa byo gukurikirana abantu bakekwaho kugira uruhare muri Jenoside yakorewe Abatutsi, bakaza guhungira mu mahanga.

Ubushinjacyaha Bukuru bw’u Rwanda bwashimiye inzego za Leta Zunze Ubumwe za Amerika ku bufatanye zagize kugira ngo Teganya agarurwe mu Rwanda, ashyikirizwe ubutabera.

Rwandatribune.rw

Share This Article
Email Copy Link Print
Previous Article Uganda: Museveni Yirukanye Abayobozi 11, Ashyiraho Bashya 13
Next Article Tshisekedi Yanenzwe ku Ntumwa Zigera ku 100 Ajyanye mu Nama ya OIF muri Cambodia
Leave a Comment

Leave a Reply Cancel reply

Your email address will not be published. Required fields are marked *

You Might Also Like

UMUTEKANOAMAKURU

Colette Braeckman: Impamvu u Rwanda Rudakwiye Kurekura Ingamba ku Mupaka na RDC

By
ICYITEGETSE Florentine
POLITIKEAMAKURUMU MAHANGAUMUTEKANO

Syria: Perezida Yatangaje ko Igihugu Cye Kiri Mu Biganiro Byo Kugirana Amasezerano y’Umutekano Na Israel

By
ICYITEGETSE Florentine
AMAKURU

Nubwo Bari Mu Ihororero, Abana 27 Biteguye Guhatanira Gutsinda Ibizamini Bya Leta

By
ICYITEGETSE Florentine
AMAKURUMU MAHANGAUMUTEKANO

RDC: Imirwano Imaze Iminsi 3 i Kibati Yasize Abaturage Bahungiye mu Mashyamba

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?