Imirwano ikomeje guterwa n’umutekano muke mu gace ka Bunyakiri, muri Teritwari ya Kalehe, mu Ntara ya Kivu y’Amajyepfo muri Repubulika Iharanira Demokarasi ya Congo, aho igisirikare cya FARDC cyatangaje ko kirimo gutegura ibitero byo kwisubiza ibice byigaruriwe n’abarwanyi ba Front pour la Refondation de la Nation (FRN).
Umuvugizi w’akarere ka gisirikare ka 34, Major Dieudonné Kasereka, mu itangazo ryo ku wa Mbere tariki ya 9 Ugushyingo 2026, yavuze ko ingabo za Leta zahagaritse urugendo rw’abarwanyi ba FRN bari bageze i Bulambika.
Yatangaje kandi ko igisirikare kiri gutegura igitero gikomeye kigamije kwisubiza ibice cyatakaje.
Amakuru aturuka muri ako gace agaragaza ko FRN igenzura ibice birimo Bitale, Bulambika na Kambali, mu Murenge wa Mubugu.
Ku rundi ruhande, ingabo za Leta zifatanyije n’imitwe ya Wazalendo zirimo kwisuganya kugira ngo zihangane n’abarwanyi ba FRN.
Amakuru atangwa n’aho imirwano ibera avuga ko Wazalendo bongeye kwigarurira agace ka Katasomwa, mu gihe i Bushaku hagaragaye abarwanyi benshi.
Iyi mirwano iri gutuma abaturage bamwe bava mu byabo bagahungira mu bice bumva ko bifite umutekano.
Kugeza ubu, ntiharamenyekana neza uko impande zihanganye zigenzura buri gace, kuko amakuru atangwa n’impande zitandukanye atari yose yigenga.