Kuburirwa irengero kwa Maj Bizabishaka wari nimero ya 2 mu butasi bwa FDLR niko nyirabayazana w’umwuka mubi
Hasize iminsi uwari inking ya mwamba mu butasi bwa FDLR aburiwe irengero,uwo nta wundi ni Major Bizabishaka,mu nkuru ya Rwandatribune y’ubusize yo kuwa 24 Gicurasi 2026 yavuze ku kuburirwa irengero k’uwari Umuyobozi wungirije ushinzwe ubutasi mu mutwe wa FDLR,icyo gihe bamwe mu barwanyi ba FDLR bavuze ko yishwe abandi bavuga ko yaba yarashimuswe n’Abakomando ba M23 mu gace ka Biruma.
Uyu Maj Bizabishaka niwe wari Soma mbike wa Gen.Maj Omega ninawe yakoreshaga mu guha amarozi no kwica bamwe mu ba Ofisiye bakuru bo muri FDLR,ibi bikaba bimwe mu byakururiye urwango Maj Bizabishaka,ndetse rwaba ari narwo rwbaye ishingiro mw’ibura rye.
Amasoko ya Rwandatribune ari mu gace ka Biruma avuga ko uyu Maj Bizabishaka yaba yaragambaniwe n’abo ku ruhande rwa Gen.Kimenyi Nyembo Sebastien ushinzwe ishami ry’iperereza muri FDLR ndetse n’ubutumwa bwa telegaramu(TG)bwakiriwe na Lt.Roger ushinzwe uburinzi bwa Gen.Omega mu buvuye mu barwanyi bo hasi muri CRAP buvuga ko Maj Bizabishaka yagambaniwe n’abantu bo hafi ya Gen.Kimenyi kandi ko hari ibimenyetso byinshi.
N’ubwo bimeze bityo kubo kuruhande rwa Gen Nyembo bo bavuga ko Maj Bizabishaka yaba yaragambaniwe n’abantu bo hafi ya Omega kubera ko Komanda FOCA atarakibona umusaruro muri Maj Bizabishaka,kandi ko uyu mu ofisiye hari amakuru yagaragazaga ko yaba afite umugambi wo guhungira mu mutwe wa FPP ,ku bw’uruhande rwa Gen Nyembo agasanga ariyo mpamvu Gen.Omega yaba yarashyizeho uburyo bwo kugambanira Maj.Bizabishaka kugira ngo atazagera mu zindi nyeshyamba akamena amabanga.
Uruhande rwa Nyembo kandi rwakomeje gushinja Gen Omega gukorana n’uwo bita umwanzi kubera ko abana be bose bari mu Rwanda ndetse n’umugore we bashakanye,aha abarwanya Gen.Omega bavuga ko hagiye haba ibikorwa byinshi byo kumufata bikozwe na M23 ariko hakabaho uburyo bwo kubanyura mu myanya y’intoki ,aha bavuga uko yacitse abarwanyi ba M23 mu birindiro by’ahitwa Paris n’ahandi bikaba byerekana ko Omega akoreshwa na M23 mu buryo butaziguye.
Abasesenguzi bavuga ko mu gihe ibivuga byafatwa nk’ukuri muri FDLR haba harimo ikibazo gikomeye cyane ko Maj.Bizabishaka Atari umuntu wo kubura cyangwa gufatwa nta ntambara ibaye kuko yabaga arinzwe n’abarwanyo bo muri CRAP,ikindi kandi yari umuntu uzi gushaka amakuru,bityo ibura rye ryaba rifitwemo uruhare mu buryo buziguye cyangwa butaziguye hagati ya Gen.Omega Komanda FOCA cyangwa Gen.Bgd Nyembo .
Mwizerwa Ally
Rwandatribune.rw
