Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > POLITIKE > Umwuka Mubi Hagati ya Ghana na Afurika y’Epfo Wafashe Indi Ntera
POLITIKEAMAKURUIMYIDAGADUROMU MAHANGAUMUTEKANO

Umwuka Mubi Hagati ya Ghana na Afurika y’Epfo Wafashe Indi Ntera

ICYITEGETSE Florentine
Last updated: July 8, 2026 6:03 am
ICYITEGETSE Florentine
Share
SHARE

Umwuka mubi hagati ya Ghana na Afurika y’Epfo ukomeje kwiyongera nyuma y’amakuru yavugaga ko hari Abanye-Ghana bishwe mu bikorwa byo guhiga abimukira byabaye ku wa 30 Kamena, ibintu byanagejeje ku isubikwa ry’uruzinduko rwa Perezida wa Afurika y’Epfo, Cyril Ramaphosa, rwari ruteganyijwe kubera muri Ghana.

Leta ya Afurika y’Epfo yahakanye amakuru yavugaga ko hari Abanye-Ghana bishwe muri iyo myigaragambyo.
Yavuze ko Umunya-Ghana umwe rukumbi wapfuye ari Kwabena Boagen w’imyaka 35, ariko ko urupfu rwe rutari rufitanye isano n’ibikorwa byo kurwanya abimukira.

Minisitiri w’Ubutabera wa Afurika y’Epfo yashinje Ghana gukwirakwiza amakuru y’ibinyoma agamije gusebya igihugu cye ku bijyanye n’ingamba gifata zo guhangana n’abimukira badafite ibyangombwa.

Ibihugu byombi kandi bikomeje kutavuga rumwe ku bijyanye n’imiterere y’Abanye-Ghana baba muri Afurika y’Epfo.

Ghana ivuga ko benshi muri bo bafite ibyangombwa bibemerera kuhatura no kuhakorera, mu gihe Afurika y’Epfo ivuga ko hari abatabyujuje. Kugeza ubu, nta ruhande ruragaragaza ibimenyetso bishimangira ibyo ruvuga.

Muri Gicurasi, Ghana yajyanye iki kibazo mu Muryango wa Afurika Yunze Ubumwe (AU), isaba ko hakorwa iperereza ku bitero bikomeje kwibasira abanyamahanga muri Afurika y’Epfo. Ghana ivuga ko ibyo bikorwa bishobora kuba binyuranyije n’amasezerano agenga Isoko Rusange rya Afurika.

Mu rwego rwo kwirinda ko umwuka mubi warushaho kwiyongera, Ghana yanatangaje ko isubitse uruzinduko rwa Perezida Cyril Ramaphosa rwari ruteganyijwe mu cyumweru cya mbere cya Kanama 2026.
Uru ruzinduko rwari rwitezweho gufasha kuzahura umubano hagati y’ibihugu byombi, ariko abaturage benshi muri Ghana bagaragaje impungenge ko rwashoboraga gukurura imyigaragambyo.

Ku wa 7 Nyakanga 2026, Umuvugizi wa Guverinoma ya Ghana, Felix Kwakye Ofosu, yabwiye BBC ko bamaze kumenyesha Afurika y’Epfo ko byaba byiza uru ruzinduko rusubitswe kugeza igihe ibintu bizaba bituje.

Yagize ati: “Twabamenyesheje ko ari byiza gusubika uru ruzinduko kubera uko ibintu bihagaze muri iki gihe ku bijyanye n’ikibazo cyo kwibasira abanyamahanga.”

Ku ruhande rwa Afurika y’Epfo, Umuvugizi wa Perezidansi, Vincent Magwenya, yavuze ko iki cyemezo kitazahungabanya umubano w’ibihugu byombi.
Yashimangiye ko ibiganiro bya dipolomasi bizakomeza kugeza impande zombi zumvikanye ku yindi tariki.

Yanavuze ko gahunda yari iteganyijwe atari uruzinduko rwa Perezida nk’umukuru w’igihugu, ahubwo ko yari inama ya gatatu mu ruhererekane rw’ibiganiro bisanzwe bihuza Ghana na Afurika y’Epfo.

Ikibazo cyo kwibasira abanyamahanga si gishya muri Afurika y’Epfo.
Hari abaturage bavuga ko abimukira bagira uruhare mu kwiyongera k’ubushomeri n’ubugizi bwa nabi, mu gihe ibindi bihugu bya Afurika bibutsa ko mu gihe cy’urugamba rwo kurwanya apartheid, Afurika y’Epfo yahawe ubufasha n’ibihugu byinshi by’Afurika. Bityo, basaba ko uwo mubano w’ubuvandimwe wakomeza kubungabungwa aho gusimburwa n’urwango n’ihohoterwa rikorerwa abanyamahanga.

rwandatribune.rw

Share This Article
Email Copy Link Print
Previous Article Minembwe: Kaniki Yageze ku Murongo w’Imirwano
Next Article Gasabo Yakoresheje Bibiliya mu Gukangurira Abaturage Kwishyura Mitiweri
Leave a Comment

Leave a Reply Cancel reply

Your email address will not be published. Required fields are marked *

You Might Also Like

MU MAHANGANewsOpinionPoliticsWorld

Rwanda -DRC: Resumed Geneva Talks on the Peace Agreement — What Is at Stake?

By
Ildephonse Dusabe
MU MAHANGAAMAKURUUMUTEKANO

Genève: Inama Yahuje U Rwanda na RDC Yibanze kuri FDLR

By
ICYITEGETSE Florentine
AMAKURUMU MAHANGAPOLITIKE

RDC: Franck Diongo Yashyigikiye Urugamba Rwitwaje Intwaro rwa FRN ya Joseph Kabila

By
ICYITEGETSE Florentine
AMAKURU

Urukiko Rwatangiye Gusuzuma Ifungwa rya Nyiri Ingufu Gin n’Abandi 14

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?