Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > MU MAHANGA > Genève: Inama Yahuje U Rwanda na RDC Yibanze kuri FDLR
MU MAHANGAAMAKURUUMUTEKANO

Genève: Inama Yahuje U Rwanda na RDC Yibanze kuri FDLR

ICYITEGETSE Florentine
Last updated: July 17, 2026 8:10 am
ICYITEGETSE Florentine
Share
SHARE

U Rwanda na Repubulika Iharanira Demokarasi ya Congo (RDC) byongeye gushimangira ubushake bwo kwihutisha ibikorwa bigamije gusenya umutwe wa FDLR, mu nama ya gatanu y’Urwego Ruhuriweho rwo Guhuza Ibikorwa by’Umutekano (JSCM) yabereye i Genève, mu Busuwisi.

Iyi nama yabaye ku wa 15 na 16 Nyakanga 2026, yahuje intumwa z’u Rwanda, RDC, Leta Zunze Ubumwe za Amerika, Qatar, Togo na Komisiyo y’Umuryango wa Afurika Yunze Ubumwe (AUC), hagamijwe gusuzuma aho ishyirwa mu bikorwa ry’Amasezerano ya Washington rigeze, by’umwihariko ibikorwa bijyanye no kugarura amahoro n’umutekano mu Burasirazuba bwa RDC.

Mu itangazo ryashyizwe ahagaragara na Leta Zunze Ubumwe za Amerika, impande zombi zashimangiye ko ziyemeje gushyira mu bikorwa ibyo zemeranyije, harimo kwihutisha isenywa rya FDLR ndetse no gukemura impungenge z’umutekano zatumye u Rwanda rushyiraho ingamba z’ubwirinzi ku mupaka warwo.

FDLR, umutwe washinzwe n’abagize uruhare muri Jenoside yakorewe Abatutsi mu 1994 bahungiye muri RDC, ukomeje gufatwa nk’imwe mu mpamvu z’ingenzi zitera umutekano muke mu Burasirazuba bwa Congo no ku Rwanda, nk’uko bigaragazwa na raporo y’impuguke z’Umuryango w’Abibumbye.

Iyo raporo igaragaza ko FDLR igizwe n’amashami atatu y’ingenzi ari yo FDLR-FOCA, FDLR-RUD na FDLR-FPP, yose akaba yarahinduye amazina yifashisha mu rwego rwo kwihisha no gukomeza ibikorwa byayo. FDLR-FOCA ikoresha izina rya “Bataillon Jungle”, FDLR-RUD ikiyita “FDP-R”, naho FDLR-FPP ikagumana izina rya “FPP”.

Nubwo uyu mutwe uvuga ko ufite abarwanyi barenga 10.000, ndetse ishami ryawo rya CRAP rikavuga abarenga 20.000, raporo za Loni n’inzego z’ubutasi zigaragaza ko umubare ushobora kwizerwa uri hagati y’abarwanyi 3.500 na 4.500.

Raporo inagaragaza ko nubwo FARDC yari yatangaje muri Werurwe 2026 ko igiye kurandura FDLR, impuguke zagaragaje ko icyo gikorwa kitari cyoroshye, kuko bamwe mu bagize uwo mutwe bakomeje gukorana n’Ingabo za Leta ya Congo cyangwa bakinjizwa mu mitwe yitwaje intwaro ya Wazalendo.

Mu rwego rwo gutuma Amasezerano ya Washington ashyirwa mu bikorwa neza, impande zose zemeranyije gushyiraho uburyo buhamye bwo kugenzura no gukurikirana buri cyemezo kizafatwa, hagamijwe kubazwa inshingano no kongera icyizere hagati y’abafatanyabikorwa.

Abitabiriye iyo nama banahawe raporo na MONUSCO ku bikorwa byo kwambura intwaro, gusubiza mu buzima busanzwe no gucyura abahoze ari abarwanyi, by’umwihariko abo mu mutwe wa FDLR, nk’imwe mu nkingi zifatwa nk’iz’ingenzi mu kugarura amahoro arambye.

Inama yasojwe u Rwanda na RDC byiyemeje gukomeza gusangira amakuru y’umutekano no kongera ubufatanye mu ishyirwa mu bikorwa ry’Amasezerano ya Washington, afatwa nk’intambwe ikomeye ishobora gutanga umusanzu mu kugarura amahoro n’iterambere mu karere k’Ibiyaga Bigari.

Rwandatribune.rw

Share This Article
Email Copy Link Print
Previous Article Jenoside: Abagabo Babiri Bari Bamaze Imyaka Bihishahisha Mu Budage na Canada Batawe muri Yombi
Next Article Geneva Talks Between Rwanda and DRC Focus on Dismantling FDLR
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUMU MAHANGAPOLITIKEUMUTEKANO

AFC-M23 Yamaganye Ihagarikwa ry’Amasomo Muri Goma na Bukavu, Ishinja Kinshasa Kuvanga Politiki n’Uburezi

By
ICYITEGETSE Florentine
AMAKURUMU MAHANGAUMUTEKANO

Ubudage Bwihanangirije Iran ku Bikorwa Byayo Bibangamira Umutekano w’u Burayi

By
ICYITEGETSE Florentine
AMAKURUMU MAHANGAPOLITIKE

Tooro: Nyabongo I Yimitswe nk’Umwami Mushya

By
ICYITEGETSE Florentine
AMAKURUPOLITIKE

Amerika Yafatiye Ibihano Uruganda Rutunganya Zahabu rwo mu Rwanda, Ishinja Gufasha AFC/M23

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?