Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > UMUTEKANO > Colette Braeckman: Impamvu u Rwanda Rudakwiye Kurekura Ingamba ku Mupaka na RDC
UMUTEKANOAMAKURU

Colette Braeckman: Impamvu u Rwanda Rudakwiye Kurekura Ingamba ku Mupaka na RDC

ICYITEGETSE Florentine
Last updated: July 20, 2026 12:09 pm
ICYITEGETSE Florentine
Share
SHARE

Umunyamakuru w’Umubiligi akaba n’umusesenguzi umaze imyaka myinshi akurikiranira hafi ibibazo byo mu karere k’Ibiyaga Bigari, Colette Braeckman, yavuze ko u Rwanda rufite impamvu zifatika zo gukomeza gukaza umutekano ku mupaka warwo na Repubulika Iharanira Demokarasi ya Congo (RDC), kubera ko umutwe wa FDLR ugikomeje kubaho ndetse ukomeje kongeramo abarwanyi bashya.

Mu kiganiro yagiranye na CPL TV, Colette yasobanuye ko nubwo hashize imyaka irenga 30 Jenoside yakorewe Abatutsi ibaye, FDLR yashinzwe n’abayigizemo uruhare itigeze icika intege.

Ahubwo yavuze ko abayishinze babyaye abana babatoza ibikorwa bya gisirikare, bakabinjiza mu mutwe uzwi nka CRAP (Commandos de Recherche et d’Action en Profondeur).

Yavuze ko yabonye abo barwanyi ku giti cye mu burasirazuba bwa RDC, ashimangira ko ari urubyiruko ruto rwatojwe kandi rwigishwa ko ruzatera u Rwanda rugakuraho ubutegetsi bwa Perezida Paul Kagame.

Braeckman yavuze ko ari yo mpamvu u Rwanda rudashobora kwirara ku mutekano warwo, cyane cyane mu gihe FDLR igikomeje kugira ubushobozi bwo kwiyubaka no gukwirakwiza ingengabitekerezo yayo.

Yanenze bikomeye ubutegetsi bwa Perezida Félix Tshisekedi, abushinja gukorana n’abarwanyi ba FDLR, avuga ko ari ikosa rikomeye kuko uwo mutwe ukomoka ku bagize uruhare muri Jenoside yakorewe Abatutsi kandi ugifite umugambi wo guhungabanya umutekano w’u Rwanda.

Yagize ati, niba hari abatekereza ko Perezida Kagame atazi ibyo bikorwa cyangwa ko adakwiye gufata ingamba zo kurinda igihugu, baba bibeshya cyane kuko u Rwanda rukurikiranira hafi ibibera hakurya y’umupaka.

Colette yanibukije ko Perezida Tshisekedi azi neza amateka ya Jenoside yakorewe Abatutsi, bityo adakwiye kwifatanya n’umutwe ufite inkomoko n’ingengabitekerezo bifitanye isano n’ayo mateka mabi.

Yagarutse kandi ku masezerano y’amahoro u Rwanda na RDC byasinyiye i Washington ku wa 27 Kamena 2025, yari agamije kurandura FDLR no gukuraho impamvu zatumaga u Rwanda rukaza umutekano ku mupaka.

Icyakora yavuze ko umwaka urenga ushize ayo masezerano asinywe, nta ntambwe ifatika iraterwa mu gusenya uwo mutwe.

Nubwo Leta ya RDC ivuga ko FDLR iba cyane mu bice bigenzurwa na AFC/M23, Leta Zunze Ubumwe za Amerika yo yagaragaje ko Kinshasa ikwiye kubanza gusenya abarwanyi ba FDLR bari mu duce igenzura.

Braeckman asoza avuga ko amahoro arambye hagati y’u Rwanda na RDC azagerwaho gusa igihe impande zombi zizashyira mu bikorwa ibyo ziyemeje, cyane cyane kurandura FDLR no guhagarika ubufatanye bwose bushobora gukomeza kuwufasha.

Rwandatribune.rw

Share This Article
Email Copy Link Print
Previous Article Andy Burnham Begins Work as the UK’s New Prime Minister Following Keir Starmer’s Resignation
Next Article Colette Braeckman: Why Rwanda Should Not Ease Security Measures Along the DRC Border
Leave a Comment

Leave a Reply Cancel reply

Your email address will not be published. Required fields are marked *

You Might Also Like

Isesengura: Ni gute hakombaga  kurengerwa ubuzima bw’abaturage, ariko hakanabungabungwa ishoramari ryashowe mu nganda zenga Inzoga?

By
Mwizerwa Ally
AMAKURUMU MAHANGAUMUTEKANO

RUTSHURU: Abaturage ba Tongo, Kabizo na Bukombo Baratabaza M23 Gukemura Ikibazo cya FDLR

By
ICYITEGETSE Florentine
POLITIKEAMAKURUMU MAHANGA

Ese u Rwanda Rugiye Kwakira Ikigo cy’Abimukira Basubizwa Mu Bihugu Byabo?

By
ICYITEGETSE Florentine
AMAKURUMU MAHANGAPOLITIKE

Burkina Faso, Mali na Niger baburiye Perezida Tinubu wa Nigeria nyuma yo kuvuga ko umutekano muke muri Sahel uri mu bitera ibibazo bya Nigeria

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?