Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Kenya Yahaye Abanyafurika y’Iburasirazuba Badafite Ibyangombwa Igihe Cyo Kubitunganya
AMAKURUMU MAHANGAPOLITIKEUBUKUNGU

Kenya Yahaye Abanyafurika y’Iburasirazuba Badafite Ibyangombwa Igihe Cyo Kubitunganya

ICYITEGETSE Florentine
Last updated: September 8, 2026 2:24 pm
ICYITEGETSE Florentine
Share
SHARE

Guverinoma ya Kenya yahaye abaturage b’ibihugu byo muri Afurika y’Iburasirazuba badafite ibyangombwa byemewe n’amategeko igihe cy’agateganyo cyo kubitunganya, nyuma y’uko Abarundi babarirwa mu magana bateraniye kuri Ambasade y’u Burundi i Nairobi batinya ko bashobora kwirukanwa cyangwa gufatirwa ibihano.

Iki cyemezo cyafashwe nyuma y’uko Perezida wa Kenya, William Ruto, atangaje ko leta igiye gukaza igenzura ku bacuruzi b’abanyamahanga bakorera ubucuruzi buto badafite impushya zo gukorera muri Kenya.

Ku wa Mbere, tariki ya 7 Nzeri 2026, Abarundi benshi bateraniye kuri Ambasade y’u Burundi i Nairobi, bamwe bafite amavalisi n’ibindi bikoresho byabo, bashaka impapuro z’inzira zabafasha gusubira mu gihugu cyabo.

Bamwe bavuze ko amagambo ya Perezida Ruto yabateye impungenge, ndetse bamwe bavuga ko batangiye guterwa ubwoba n’abaturanyi babo.

Icyakora, kuri uwo munsi nta bikorwa bikomeye byo gufunga imishinga y’abanyamahanga cyangwa kubahiga byagaragaye i Nairobi.

Mu cyumweru gishize, Perezida Ruto yasabye inzego bireba guhagarika ibikorwa by’ubucuruzi buto bikorerwa muri Kenya n’abanyamahanga, cyane cyane abafite ibikorwa bitajyanye n’impushya zisabwa.

Iri tangazo ryaje nyuma y’inama Ruto yagiranye n’abacuruzi bo muri Kenya bari bamaze iminsi bagaragaza ko batishimiye impinduka muri gahunda y’imisoro.

Minisiteri y’Ubucuruzi yasobanuye ko amabwiriza areba cyane cyane abanyamahanga bakora ubucuruzi badafite impushya zo gukorera muri Kenya.

Nyuma y’impungenge zavutse, umuvugizi w’ubuyobozi bwa Perezida Ruto yavuze ko guverinoma ya Kenya itazihanganira ihohoterwa, iterabwoba cyangwa ivangura rishingiye ku gihugu umuntu akomokamo.

Guverinoma yasabye abaturage b’ibihugu byo muri Afurika y’Iburasirazuba badafite ibyangombwa, cyane cyane Abarundi, kwiyandikisha kuri za ambasade y’ibihugu byabo.

Yavuze ko umuntu wese uzaba ari muri gahunda yo kwiyandikisha azafatwa nk’uri muri Kenya mu buryo bwemewe n’amategeko mu gihe iyo gahunda izaba ikomeje.

Umuvugizi wa guverinoma yavuze ko iyi gahunda igamije gufasha abantu kubona serivisi z’ibanze, zirimo ubuvuzi, serivisi za banki n’uburinzi butangwa n’amategeko, badatinya gufatwa.

Guverinoma kandi yavuze ko gahunda yo gutunganya ibyangombwa izakorwa ku bufatanye n’ibihugu byo mu karere.

Ishami ry’Umuryango w’Abibumbye ryita ku Mpunzi, UNHCR, rivuga ko muri Kenya hari Abarundi bagera ku 16,000 barimo impunzi n’abasaba ubuhungiro.
Benshi muri bo bakora ubucuruzi buto i Nairobi, aho bacuruza ibintu bitandukanye birimo ikawa n’imyenda yakoreshejwe.

Munezero Farnke, umusore w’imyaka 18 wari wagiye kuri Ambasade y’u Burundi, yavuze ko Abarundi bari bakwiye guhabwa igihe cyo gutegura uko basubira mu gihugu.

Yagize ati: “Bakagombye kuduha nibura icyumweru cyo gutegura no gusubira mu Burundi, cyangwa bakadufasha kugera ku mupaka.

Maze imyaka itatu hano nta ndangamuntu mfite, kandi nari nateganyije gusubira iwacu umwaka utaha.”

Peter Nakumujango, ufite imyaka 62, na we wari mu bantu bari ku murongo, yavuze ko atari afite gahunda yo gusubira mu Burundi muri icyo gihe.

Yagize ati: “Abantu ni benshi cyane baje hano kandi ntituzi igihe tuzabona ubufasha. Ntabwo nsubira iwacu ku bushake. Ndategekwa kugenda.”

Gusa kugeza ubu Ambasaderi w’u Burundi muri Kenya ndetse na Leta y’Uburundi ntibaragura icyo babivugaho.

Bamwe mu banenga Perezida William Ruto bavuga ko guverinoma ye ishobora kuba irimo kwerekeza ku banyamahanga ibibazo by’ubukungu Kenya ihanganye na byo.

Ibi kandi bibaye mu gihe Kenya yitegura amatora ya Perezida ateganyijwe umwaka utaha, aho Ruto ateganya kongera kwiyamamariza kuyobora igihugu.

Hanifa Adan, umwe mu baharanira uburenganzira bwa muntu, aherutse kwandika mu kinyamakuru Daily Nation ko iyo igihugu kibuze ibisubizo ku bibazo bikomeye by’ubukungu, gishobora gutangira gushaka uwo kibishinja.

Yagize ati: “Iyo igihugu kibuze ibisubizo ku bukungu buri gusenyuka, akenshi gitangira gushaka umwanzi.”

Mu kindi cyemezo kijyanye n’ibikorwa by’abanyamahanga, Perezida Ruto ku wa 3 Nzeri 2026 yatangaje ko ikigo Tata Chemicals cyo mu Buhinde kigomba guhagarika ibikorwa byacyo muri Kenya.

Ruto yavuze ko ibikorwa by’iki kigo bitari byagirira Kenya akamaro mu buryo buhagije, cyane cyane mu bijyanye no guteza imbere ibikorwa by’inganda n’ubukungu bw’akarere ka Kajiado, aho gikura umunyu wa soda uzwi nka soda ash.

Tata Chemicals yavuze ko yubaha ububasha bwa guverinoma ya Kenya kandi ko yiteguye gukomeza ibiganiro na yo binyuze mu nzira zemewe n’amategeko kugira ngo ikibazo gikemuke.

BARAKA Esther

Rwandatribune.rw

Share This Article
Email Copy Link Print
Previous Article Uburusiya na Koreya ya Ruguru Byafunguye Ikiraro cya Mbere cy’Imodoka Kibahuza
Next Article U Rwanda na Oman Byongereye Imikoranire mu Buhinzi, Ishoramari n’Ubwikorezi
Leave a Comment

Leave a Reply Cancel reply

Your email address will not be published. Required fields are marked *

You Might Also Like

IMIKINOAMAKURU

Perezida Kagame na Muhoozi Bakinanye Umukino Wa Basketball i Kigali

By
ICYITEGETSE Florentine
AMAKURUMU MAHANGAPOLITIKE

FRN ya Kabila Yatangaje ko Ishobora Gukoresha Ingufu za Gisirikare Ikagera i Kinshasa

By
ICYITEGETSE Florentine
AMAKURUMU MAHANGAUMUTEKANO

AU Igiye Guteranira i Luanda ku kongera Imbaraga mu Gukumira no Gukemura Amakimbirane

By
ICYITEGETSE Florentine
AMAKURUMU MAHANGAUMUTEKANO

U Burusiya: Ubuyobozi Bwa Krasnodar Bwatangaje Ko Igitero Cyagabwe Cyahitanye 6 Barimo Abana 3

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?