Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Katumbi Yavuze Impamvu Yahuye na Perezida Kagame Inshuro Nyinshi, Asobanura n’Icyo Agiye Gukorera i Goma
AMAKURUMU MAHANGAPOLITIKE

Katumbi Yavuze Impamvu Yahuye na Perezida Kagame Inshuro Nyinshi, Asobanura n’Icyo Agiye Gukorera i Goma

ICYITEGETSE Florentine
Last updated: November 5, 2026 5:28 pm
ICYITEGETSE Florentine
Share
SHARE

Umunyapolitiki Moïse Katumbi, utavuga rumwe n’ubutegetsi bwa Repubulika Iharanira Demokarasi ya Congo (RDC), yatangaje ko yigeze guhura inshuro nyinshi na Perezida w’u Rwanda, Paul Kagame, mu gihe we na Félix Tshisekedi bari bakiri mu batavuga rumwe n’ubutegetsi bwa Kinshasa.

Katumbi yabitangaje mu kiganiro cyihariye yagiranye n’ikinyamakuru Jeune Afrique, aho yasobanuye ko izo nama zabereye mu mijyi itandukanye irimo Kigali mu Rwanda, Bruxelles mu Bubiligi na Addis-Abeba muri Ethiopia.

Yavuze ko zimwe muri izo nama yazigiriyemo hamwe na Félix Tshisekedi, mbere y’uko uyu aba Perezida wa RDC. Icyo gihe bombi bari mu banyapolitiki barwanyaga umugambi wo guhindura Itegeko Nshinga ry’iki gihugu.

Katumbi yavuze ko Perezida Kagame yabakiriye i Kigali ndetse no i Bruxelles, ashimangira ko guhura n’umukuru w’igihugu cy’abaturanyi bidakwiye gufatwa nk’ikosa.

Yagize ati: “Igihe twari mu batavuga rumwe n’ubutegetsi hamwe na Félix Tshisekedi, yaraduhaye umwanya i Kigali, igihe twarwanyaga ihindurwa ry’Itegeko Nshinga. Yaduhaye umwanya no i Bruxelles. Guhura na Perezida Kagame si icyaha.”

Ku bijyanye n’urugendo aherutse gutangaza ko ashaka gukorera i Goma, mu Ntara ya Kivu y’Amajyaruguru, Katumbi yavuze ko atagamije guhura na Perezida Paul Kagame.

Ahubwo, yavuze ko ashaka guhura na Joseph Kabila, wahoze ari Perezida wa RDC, ubu akaba ayoboye umutwe wa politiki n’igisirikare wa Front pour la Refondation de la Nation (FRN).

Katumbi yanavuze ko atabona ikibazo mu kuba yanyura i Kigali kugira ngo agere i Goma, ashimangira ko u Rwanda ari kimwe mu bihugu byo ku mugabane wa Afurika.
Ati: “Kigali ni igihugu cyo muri Afurika.”

Ibi abitangaje mu gihe umwuka wa politiki n’umutekano hagati y’ubutegetsi bwa Kinshasa n’umutwe wa FRN ukomeje kuba mubi.

Minisitiri w’Umutekano w’Imbere mu gihugu muri RDC aherutse gutangaza ko abatavuga rumwe n’ubutegetsi bazajya i Goma batabanje kubisabira uruhushya bashobora gukurikiranwa n’ubutabera.

Ibi bituma gahunda ya Katumbi yo kujya i Goma no guhura na Joseph Kabila ikomeza gukurura amatsiko, cyane ko uwo yifuza guhura na we ari umwe mu bantu bafite uruhare rukomeye mu bibazo bya politiki n’umutekano biri muri RDC.

Share This Article
Email Copy Link Print
Previous Article Umutingito Wumvikanye Muri Kenya no mu Bindi Bihugu Birimo u Rwanda
Next Article Sud-Kivu: Hashyizweho Abayobozi Bashya muri Komine za Kiliba, Luvungi na Sange
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUIMYIDAGADURO

Abakobwa Basubijwe Inyuma ku Gitaramo Cya Diamond Kubera Imyambarire, Polisi Yagize Icyo Ivuga

By
ICYITEGETSE Florentine
AMAKURUMU MAHANGAPOLITIKEUBUTABERA

RDC: La VSV Yasabye Iperereza Ryigenga ku Ihohoterwa Ryabaye mu Myigaragambyo ya C64

By
ICYITEGETSE Florentine
POLITIKEAMAKURUMU MAHANGAUMUTEKANO

Ubushinwa Bwasabye Ko Ibihugu Bihagarika Kwigarurira Umutungo w’Ibindi Hakoreshejwe Ibihano n’Igitutu Cya Gisirikare

By
ICYITEGETSE Florentine
AMAKURUMU MAHANGAPOLITIKE

Abasirikare babiri b’u Burundi bafatiwe muri Kivu y’Amajyepfo bakekwaho gukorana na AFC/M23

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?