Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Bizimungu Pasteur Yasabye BK Kumufasha Kuzuza Hoteli y’Agaciro Karenga Miliyari 10 Frw
AMAKURUUBUKUNGU

Bizimungu Pasteur Yasabye BK Kumufasha Kuzuza Hoteli y’Agaciro Karenga Miliyari 10 Frw

ICYITEGETSE Florentine
Last updated: November 8, 2026 10:56 am
ICYITEGETSE Florentine
Share
SHARE

Bizimungu Pasteur wahoze ari Perezida wa Repubulika y’u Rwanda yasabye Banki ya Kigali (BK) kongera imbaraga mu bufatanye bafitanye, kugira ngo abashe kurangiza umushinga wo kubaka hoteli iri ku nkengero z’Ikiyaga cya Kivu mu Karere ka Rubavu.

Iyi hoteli iri mu mishinga Bizimungu yatangiye afatanyije na BK, ariko imirimo yo kuyubaka iracyakomeje. Mu ruzinduko yagiriye muri iyi banki, yasabye ko yamufasha kubona ubushobozi bw’amafaranga akenewe kugira ngo inyubako yuzure itangire kwakira abakiriya.

Bizimungu yavuze ko imirimo yo kubaka iyi hoteli igeze kure, ariko ko hakenewe izindi mbaraga kugira ngo isozwe mu gihe gito.

Yagaragaje ko BK isanzwe ifitanye na we imikoranire muri uyu mushinga, ndetse ko hari amafaranga agomba kwishyura iyi banki.

Yagize ati: “Ni hoteli twifuza ko yaba ifite inyenyeri enye. Icyo twifuza kuri BK ni uko yadufasha kuyirangiza, kuko ubu inyubako tuyigeze kure. Ndetse no kuyubaka twari twaratangiye dufatanyije na yo, kandi kugeza ubu hari amafaranga tuyibereyemo.”

Uyu mushinga uzaba urimo ibyumba byo kuraramo, resitora enye, icyumba cy’inama gishobora kwakira abantu barenga 1.000 ndetse n’ahantu hateguwe ku buryo abazaba bayisuye bazajya baruhukira bareba imisozi y’ibirunga n’Ikiyaga cya Kivu.

Bizimungu yasobanuye ko kugira ngo hoteli yuzure kandi itangire gukora bizasaba amafaranga arenga gato miliyari 10 Frw, nubwo ashobora no kuba munsi y’ayo bitewe n’uko imirimo izagenda.

Yavuze ko kuyubaka no kuyitangira bizatanga umusanzu mu guhanga imirimo, kuko biteganyijwe ko izakoresha abantu bari hagati ya 300 na 400.

Mu bijyanye n’imicungire yayo, Bizimungu yatangaje ko bari mu biganiro n’abashoramari bane bashobora kuzayifasha mu kuyicunga no kuyiteza imbere.

Yagaragaje ko iyi hoteli izibanda cyane ku kwakira ba mukerarugendo n’abandi bantu basura Rubavu bagamije kuruhuka no kwidagadura, ariko ikazatanga n’izindi serivisi zisanzwe ziboneka muri hoteli.

Uretse uyu mushinga, Bizimungu yavuze ko yanaganiriye n’Urwego rw’Igihugu rw’Iterambere (RDB) ku buryo ibikorwa remezo byakira inama byakongerwa mu turere, kugira ngo na two tubashe kwakira inama n’amahuriro mpuzamahanga.

Ibi byafasha gukomeza guteza imbere ubukerarugendo no gukurura ibikorwa by’ubukungu mu bice bitandukanye by’igihugu.

Share This Article
Email Copy Link Print
Previous Article RDC: Ebola Yongeye Guteza Impungenge Nyuma y’Ibyabereye mu Bitaro Bya Kelele
Next Article Black Mambas Zinjiye mu Bitero bya FARDC kuri FRN/ARC
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUMU MAHANGAPOLITIKEUMUTEKANO

MASISI: Umuyobozi w’Akarere Yavuze ko nta Mirwano iri Kubera i Remeka na Ngungu

By
ICYITEGETSE Florentine
AMAKURUMU MAHANGAPOLITIKEUMUTEKANO

RDC: Tshisekedi Yakoresheje Inama Yikitaraganya y’Abakuru b’Ingabo za RDC Nyuma y’Ishingwa rya FRN

By
ICYITEGETSE Florentine
AMAKURUAMATANGAZO

Meteo Rwanda Iteganya Imvura Nyinshi Mu Muhindo wa 2026

By
ICYITEGETSE Florentine
AMAKURUMU MAHANGAPOLITIKE

RDC: Imyigaragambyo ya C64 Yatangiye i Kinshasa no mu Zindi Ntara

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?