Minembwe muri Repubulika Iharanira Demokarasi ya Congo ,Amakuru avuga ko Gen. Charles Sematama, umuyobozi w’Abarwanyi ba MRDP-Twirwaneho , yaba yariciwe mu ndege ya gisirikare yarashwe hafi ya Minembwe, mu Ntara ya Kivu y’Amajyepfo, yakomeje gukwirakwira ku mbuga nkoranyambaga.
Mu butumwa bwashyizwe kuri twitter na Col.Rugabo Fidele Umuvugizi wa MRDP Twirwaneho avuga indege yarashwe na FARDC ari indege y’ubutabazi yari ijyanye imiti mu gace ka Minembwe,Umutwe wa TWIRWANEHO wamaganye iraswa ry’iyo ndenge ndetse ushinja ihuriro rifatanyije na FARDC ubushotoranyi.
Mu kiganiro kandi Umuvugizi wa Twirwaneho Col.Rugabo Fideli yagiranye n’ikinyamakuru Kivu Morning Post yavuze ko Gen.Sematama ari mutaraga nta kibazo afite .
Col.Tungane Umuvugizi wa Wazalendo muri Kivu y’amajyepfo yabwiye isoko ya Rwandatribune ikorera muri Uvila ko indege iherutse kurasishwa misile igahanurwa yarimo Gen.Sematm na bagenzi be bari bavuye mu nama nkuru ya gisilikare yahuje abasilikare bakuru ba AFC/M23.
Twagerageje gushaka Umuvugizi wa AFC/M23 wungirije mu bya Politiki Dr.Oscar Balinda kugirango atubwire iby’aya makuru ntitwamubona k’umurongo wa telephone,kugeza ubwo twandikaga iyo nkuru.
Mwizerwa Ally
Rwandatribune.rw
