Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Minisitiri Habimana Yasabye Imbaraga Zihuriweho mu Huhangana n’Inzoga Zitujuje Ubuziranenge
AMAKURUPOLITIKE

Minisitiri Habimana Yasabye Imbaraga Zihuriweho mu Huhangana n’Inzoga Zitujuje Ubuziranenge

ICYITEGETSE Florentine
Last updated: July 30, 2026 3:47 pm
ICYITEGETSE Florentine
Share
SHARE

Minisitiri w’Ubutegetsi bw’Igihugu, Habimana Dominique, yatangaje ko Guverinoma ikomeje gushyira imbaraga mu kurwanya inzoga zitujuje ubuziranenge zikomeje guteza ingaruka zikomeye ku buzima bw’Abanyarwanda.

Yavuze ko kuva mu ntangiriro za 2026, abantu 50 bamaze kwitaba Imana bazize ibyo binyobwa, mu gihe abarenga 100 bakomeje kuvurwa ingaruka zabyo, harimo n’abahumye nyuma yo kubinywa.

Ibi Minisitiri Habimana yabigarutseho ku wa 29 Nyakanga 2026 mu nama yabereye i Kigali yahuje abayobozi b’uturere twose, ba Guverineri b’intara n’Umujyi wa Kigali, inzego z’umutekano, minisiteri zitandukanye n’izindi nzego za Leta.

Iyo nama yibanze ku bibazo byugarije umuryango nyarwanda, by’umwihariko ikoreshwa ry’ibiyobyabwenge n’inzoga zitemewe cyangwa zitujuje ubuziranenge.

Minisitiri Habimana yavuze ko urugamba rwo kurwanya ibi binyobwa rudakwiye kugarukira ku kubifata no kubimena gusa, ahubwo rugomba kujyana no guhindura imyumvire y’abaturage, cyane cyane urubyiruko, ku ngaruka z’ubusinzi.

Yasobanuye ko ubusinzi butera ibibazo byinshi birimo amakimbirane yo mu miryango, kugwingira kw’abana, guta amashuri no kubura akazi, ndetse bukaba bunagira uruhare mu gutakaza indangagaciro nyarwanda.

Ati: “Kunywera ugasinda si umuco nyarwanda. Tugomba kurera urubyiruko rwumva ko kugira indangagaciro ari byo shingiro ry’iterambere ry’Igihugu.”

Yongeyeho ko abantu bakora ibinyobwa bigamije kwangiza ubuzima bw’abaturage bagamije inyungu z’amafaranga bakomeje guhigwa, kandi ko abazabifatirwamo bazahanwa by’intangarugero.

Minisitiri yavuze kandi ko inzego zitandukanye zemeranyije kunoza imikoranire kugira ngo hafatwe ingamba zikomeye zo gukumira ikorwa n’ikwirakwizwa ry’ibinyobwa byangiza ubuzima.

Hari kandi amakuru avuga ko bamwe mu bayobozi bo mu nzego z’ibanze bashobora gukurikiranwaho uruhare mu ikwirakwizwa ry’ibi binyobwa, na bo bakaba bashobora kubihanirwa nibaramuka babihamijwe.

Mu mezi hafi arindwi ashize ya 2026, hamaze kumenwa litiro zisaga ibihumbi 900 by’inzoga n’ibindi binyobwa byagaragaye ko bitujuje ubuziranenge.

Iyi nama yabaye nyuma y’uko hasohotse amabwiriza mashya agenga itunganywa ry’ibinyobwa gakondo nk’urwagwa, ubushera, umutobe n’ikigage. Ayo mabwiriza ateganya ko umuntu ushaka kubitunganya agamije ubucuruzi cyangwa kubitanga mu birori by’abantu benshi agomba kubanza kubona uruhushya, mu rwego rwo kurinda ubuzima bw’abaturage.

Leta ivuga ko ayo mabwiriza agamije gukumira impfu n’uburwayi byagiye biterwa n’ibinyobwa gakondo byateguriwe abantu benshi bidatunganyijwe hakurikijwe ibisabwa by’isuku n’umutekano w’ibiribwa.

Rwandatribune.rw

Share This Article
Email Copy Link Print
Previous Article Yolande Makolo: Amasezerano ya Washington Si Ugushyikirana Na FDLR
Next Article Perezida Kagame Yakiriye Intumwa z’Abadepite Bo Muri Amerika, Baganira ku Kwagura Ubufatanye
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUMU MAHANGAUMUTEKANO

RDC: Imirwano Imaze Iminsi 3 i Kibati Yasize Abaturage Bahungiye mu Mashyamba

By
ICYITEGETSE Florentine
AMAKURUMU MAHANGAPOLITIKE

Sama Lukonde Yise Joseph Kabila “Umwanzi w’Abaturage ba Congo”

By
ICYITEGETSE Florentine
AMAKURUMU MAHANGAPOLITIKE

Lubero: Abantu 5 Barimo Umuforomo Bo Muri Kirumba Bafunzwe na AFC/M23 Bashinjwa Gukorana n’Umudepite Uri i Kinshasa

By
ICYITEGETSE Florentine
AMAKURUMU MAHANGAUBUZIMA

RDC: Abantu Barenga Ibihumbi 70 Muri Rutshuru Barataka Kubura Ubutabazi

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?