Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Eswatini: Princess Lindiwe, Mushiki w’Umwami Mswati III, Yapfuye
AMAKURUMU MAHANGAUBUZIMA

Eswatini: Princess Lindiwe, Mushiki w’Umwami Mswati III, Yapfuye

ICYITEGETSE Florentine
Last updated: September 17, 2026 11:44 pm
ICYITEGETSE Florentine
Share
SHARE

Princess Lindiwe, wari Minisitiri w’Ubutegetsi bw’Igihugu muri Eswatini akaba n’umwe mu bagize umuryango w’ibwami, yitabye Imana nyuma y’uburwayi bwamujyanye kwivuriza muri Afurika y’Epfo.

Urupfu rwe rwemejwe ku mugaragaro na Guverinoma ya Eswatini ku wa Kane, tariki ya 17 Nzeri 2026, aho Minisitiri w’Intebe, Russell Mmiso Dlamini, yatangaje ko Princess Lindiwe yapfuye ari kuvurirwa muri Afurika y’Epfo.

Mu itangazo rya Guverinoma, Minisitiri w’Intebe yavuze ko Princess Lindiwe yitabye Imana nyuma y’uburwayi bugufi, anihanganisha Umwami Mswati III, Umwamikazi Mukuru, umuryango w’ibwami, abo mu muryango we, abo bakoranaga ndetse n’abari bamwazi.

Princess Lindiwe yari amaze imyaka umunani ayobora Minisiteri y’Ubutegetsi bw’Igihugu, kuko yashyizwe kuri uwo mwanya mu 2018, akomeza kuwugirirwa icyizere no muri Guverinoma yashinzwe mu 2023.

Iyo Minisiteri ishinzwe ibibazo birimo abinjira n’abasohoka, ubwenegihugu, impunzi ndetse no kwandikisha amakuru y’ingenzi y’abaturage, arimo amavuko, abashyingiranwa n’abitabye Imana.

Guverinoma ya Eswatini yavuze ko Princess Lindiwe yakoreye Igihugu n’Ingoma afite ubwitange, icyubahiro n’inshingano, inagaragaza ko yari umuyobozi wubashywe na bagenzi be muri Guverinoma.
Uretse inshingano za Leta, Princess Lindiwe yari azwi no mu bikorwa by’idini.

Guverinoma yavuze ko yari umuntu ufite ukwemera gukomeye kwa Gikristo ndetse akaba yaragize uruhare mu buyobozi bw’ibikorwa by’itorero.

Yari azwi ku izina rya “Umkhokheli”, aho yagiraga uruhare mu gutanga ubuyobozi n’ubujyanama mu by’umwuka.

Princess Lindiwe yari umukobwa w’Umwami Sobhuza II, akaba na mushiki w’Umwami Mswati III umaze gutegeka Eswatini kuva mu 1986.

Yatangiye umwuga mu 1985, akora nk’umukozi ushinzwe ubuyobozi mu Biro by’Igihugu bishinzwe imiyoborere muri Eswatini. Nyuma yaje gukora no mu bikorwa by’ubucuruzi.

Ku bijyanye n’amashuri, Princess Lindiwe yari afite impamyabumenyi ya Bachelor’s mu bijyanye n’Imicungire y’Ubucuruzi yakuye muri University of Akron muri Leta Zunze Ubumwe za Amerika.

Yari afite kandi Associate Degree mu bijyanye n’Imicungire y’Amahoteri yakuye muri Vincennes University muri Amerika.

Mu 2008, Umwami Mswati III yamushyize mu bagize Liqoqo, urwego gakondo rugira inama Umwami ku bibazo by’ingenzi by’Ingoma.

Mu 2018, yamushyize mu Nteko Ishinga Amategeko ndetse anamugira Minisitiri w’Ubutegetsi bw’Igihugu, inshingano yakomeje kugeza yitabye Imana.

Nubwo hari amakuru yari yabanje kuvuga ko Princess Lindiwe yari arwaye kanseri ndetse ko yari yajyanywe mu bitaro muri Afurika y’Epfo arembye cyane, Guverinoma ya Eswatini mu itangazo ryayo ntiyavuze ko kanseri ari yo yamuhitanye. Yavuze gusa ko yapfuye nyuma y’uburwayi yari amaranye igihe gito ari kuvurirwa muri Afurika y’Epfo.

Guverinoma yatangaje ko amakuru arambuye ajyanye n’imihango yo kumushyingura azatangazwa nyuma.

Rwandatribune.rw

Share This Article
Email Copy Link Print
Previous Article TOORO: SFC Yatangiye Gucunga Umutekano w’Umwami Watoranyijwe Edward Rukidi Nyabongo
Next Article Eswatini: Princess Lindiwe, Sister of King Mswati III, Dies
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUMU MAHANGA

Kenya: Urukiko Rukuru Rwateye Utwatsi Ubusabe bw’Abarastafari bwo Kwemererwa Gukoresha Urumogi ku Mpamvu z’Idini

By
ICYITEGETSE Florentine
AMAKURUUMUTEKANO

Politiki:Raporo ya Dr.Gasana na Dr.Nkiko Ivuga Kuhazaza Ho Gusesa Igisilikare Cya RDF Nkuko Byagenze Muri Costa Rica Yakuruye Impaka

By
ICYITEGETSE Florentine
AMAKURUMU MAHANGAPOLITIKEUMUTEKANO

Ese Intambara Yo Mu Burasirazuba Bwa RDC Iri Hafi Kurangira? Icyo Abasesenguzi Bavuga Ku Biganiro Bya Washington na Doha

By
ICYITEGETSE Florentine
MU MAHANGAAMAKURUPOLITIKE

Amasezerano Hagati ya Amerika na Iran Yateje impaka Nyuma y’Inyandiko y’Ibanga Yasohotse

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?