Uwahoze ari intumwa yihariye ya Leta Zunze Ubumwe za Amerika mu karere k’Ibiyaga Bigari bya Afurika, Dr. J. Peter Pham, yavuze ko ishingwa ry’ihuriro rishya rya politiki n’igisirikare rifitanye isano na Joseph Kabila rituma arushaho kubona impamvu Amerika yamufatiye ibihano.
Mu butumwa yanyujije ku rubuga rwa X, Pham yagaragaje ko ibihano Amerika yafatiye Kabila, imushinja gushyigikira imitwe yitwaje intwaro ikorera muri Repubulika Iharanira Demokarasi ya Congo (RDC), byari bifite ishingiro.
Ibi yabivuze nyuma y’amakuru y’ishingwa rya Front pour la Refondation de la Nation (FRN), ihuriro rishya rya politiki n’igisirikare rivugwaho kuyoborwa na Kabila, wayoboye RDC kuva mu 2001 kugeza mu 2019.
Iri huriro rishya ryatangajwe mu gihe umutekano ukomeje kuzamba mu burasirazuba bwa RDC, aho umutwe wa M23 uhanganye n’ingabo za Leta ya Congo, FARDC.
Ibi bibazo bikomeje kugira ingaruka ku mutekano w’akarere, mu gihe ibikorwa bya politiki n’ibya gisirikare bikomeje kwiyongera.
Rwandatribune.rw
