Polisi yo mu gace ka Nchalo, mu Karere ka Chikwawa muri Malawi, yataye muri yombi abagabo babiri bakekwaho gutunga mu buryo bunyuranyije n’amategeko ibice bibiri by’amahembe y’inzovu bipima ibilo 8.5.
Umuvugizi wa Polisi ya Chikwawa, Dickson Matemba, yavuze ko abafashwe ari Green Banda w’imyaka 25 wo mu Mudugudu wa Bereu, mu gace ka Maseya, na Cosmos Tchale w’imyaka 20 wo mu Mudugudu wa Chindiole, mu gace ka Ngabu.
Matemba yavuze ko abagenzacyaha bo mu Ishami rishinzwe Ubugenzacyaha (CID) rya Nchalo bakoze igikorwa nyuma yo guhabwa amakuru n’abaturage ko aba bagabo bari gushaka kugurisha ayo mahembe y’inzovu.
Polisi yahise itabara, ifata abo bakekwa ndetse inafatira ibyo bice bibiri by’amahembe y’inzovu.
Aba bagabo bombi biteganyijwe ko bazagezwa imbere y’urukiko kugira ngo baryozwe icyaha cyo gutunga mu buryo butemewe ibikomoka ku nyamaswa zirinzwe n’amategeko.
Rwandatribune.rw
