Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Kenya Yahaye Abanyamahanga Iminsi 90 yo Gutunganya Ibyangombwa
AMAKURUMU MAHANGAPOLITIKE

Kenya Yahaye Abanyamahanga Iminsi 90 yo Gutunganya Ibyangombwa

ICYITEGETSE Florentine
Last updated: September 9, 2026 12:27 pm
ICYITEGETSE Florentine
Share
SHARE

Guverinoma ya Kenya yahaye abanyamahanga bo mu bihugu bya Afurika y’Iburasirazuba badafite ibyangombwa byemewe n’amategeko iminsi 90 yo kubitunganya, mu gihe hari impungenge zari zimaze kwiyongera nyuma y’itangazo rya Perezida William Ruto ku bacuruzi b’abanyamahanga.

Iki cyemezo cyatangajwe nyuma y’akajagari kagaragaye ku wa Mbere ku Ambasade y’u Burundi i Nairobi, aho Abarundi benshi bari bateraniye bashaka ibyangombwa by’inzira.

Bamwe muri bo bavuze ko bari bafite impungenge z’umutekano wabo, cyane cyane nyuma y’uko Perezida William Ruto asabye ko ubucuruzi buto n’ubuciriritse bukorwa n’abanyamahanga badafite ibyangombwa bibemerera gukora muri Kenya bufungwa.

Icyakora, kugeza ubu nta makuru yemeza ko i Nairobi habaye ihohoterwa rikorerwa Abarundi kuri uwo munsi.

Umuvugizi wa Guverinoma ya Kenya, Hussein Mohammed, yavuze ko Leta idashaka ko gahunda yo kugenzura ubucuruzi bw’abanyamahanga ihinduka intandaro y’ihohoterwa cyangwa ivangura.

Yasobanuye ko abanyamahanga badafite ibyangombwa, cyane cyane abo mu bihugu byo muri Afurika y’Iburasirazuba, basabwa kwiyandikisha no kwegera ambasade z’ibihugu byabo kugira ngo bafashwe kubona ibyangombwa bikenewe.

Guverinoma yavuze ko muri iyo minsi 90 izatanga ubufasha bwo gutuma abarebwa n’iki cyemezo babasha kubahiriza ibisabwa n’amategeko ya Kenya.

Nyuma y’icyo gihe, Leta izatangira gushyira mu bikorwa mu buryo bukomeye amategeko arebana n’uburenganzira bwo kuba no gukorera muri Kenya, impushya zo gukora, kwandikisha ubucuruzi ndetse n’impushya zo kubukora.

Amakuru y’Ishami ry’Umuryango w’Abibumbye ryita ku Mpunzi agaragaza ko muri Kenya harimo abarundi bagera ku 16,000, barimo impunzi n’abasaba ubuhungiro.

Benshi muri bo batuye cyangwa bakorera i Nairobi, aho bamwe bakora ubucuruzi buto burimo kugurisha ikawa, imyenda ya caguwa n’ibindi bicuruzwa.

Rwandatribune.rw

Share This Article
Email Copy Link Print
Previous Article Uwahoze ari Padiri Gatolika yasezeye mu bupadiri arongora Umunyakenyakazi
Next Article Rusizi:Umugabo w’Imyaka 44 Yaguye mu Mugezi wa Ruhwa Arapfa
Leave a Comment

Leave a Reply Cancel reply

Your email address will not be published. Required fields are marked *

You Might Also Like

POLITIKEAMAKURUMU MAHANGA

Nduhungirehe yanenze “Genocost” ya RDC: “Ntushobora kuvuga Jenoside ukorana n’abayigizemo uruhare”

By
ICYITEGETSE Florentine
UMUTEKANOAMAKURUMU MAHANGA

Uvira: Umuyobozi wa Wazalendo Yemera ko Amacakubiri Yatumye Batakariza Icyizere Leta ya RDC

By
ICYITEGETSE Florentine
AMAKURUMU MAHANGAPOLITIKE

RDC: Bemba Asobanura Impamvu Impanuka Zikomeje Kwibasira Urwego Rw’ubwikorezi

By
ICYITEGETSE Florentine
AMAKURUMU MAHANGAPOLITIKE

Tshisekedi Yasabye Kabila Kwamagana u Rwanda Kugira ngo Barebe Uko Yakurirwaho Igihano cy’Urupfu

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?