Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > POLITIKE > Nduhungirehe: “Ibihano Ntibizahagarika Urugendo Rw’Amahoro Hagati y’u Rwanda na RDC”
POLITIKEAMAKURU

Nduhungirehe: “Ibihano Ntibizahagarika Urugendo Rw’Amahoro Hagati y’u Rwanda na RDC”

ICYITEGETSE Florentine
Last updated: July 3, 2026 10:30 am
ICYITEGETSE Florentine
Share
SHARE

Minisitiri w’Ububanyi n’Amahanga n’Ubutwererane w’u Rwanda, Olivier Nduhungirehe, yatangaje ko ibihano biherutse gufatirwa u Rwanda bitazahungabanya inzira y’ibiganiro bigamije kugarura amahoro mu burasirazuba bwa Repubulika Iharanira Demokarasi ya Congo (RDC), ashimangira ko ibiganiro bya dipolomasi bikomeje kuba inzira yonyine ishobora gutanga igisubizo kirambye.

Mu kiganiro yagiranye na France 24, Nduhungirehe yavuze ko u Rwanda rwiyemeje kubahiriza ibikubiye mu masezerano y’amahoro yasinyiwe i Washington hagati y’u Rwanda na RDC, ariko agaragaza ko ikibazo cy’umutwe wa FDLR kidakwiye gusigara inyuma mu gushaka amahoro arambye.

Yavuze ko ibihano byafashwe n’ibihugu bimwe na bimwe bitagomba gutesha agaciro cyangwa kubangamira ibiganiro biri gukorwa, kuko icy’ingenzi ari ugukemura ibibazo by’umuzi byakuruye umutekano muke mu burasirazuba bwa RDC.

Nduhungirehe yagaragaje ko FDLR imaze imyaka myinshi iteza umutekano muke mu karere, bityo ko gukemura icyo kibazo ari ingenzi mu kubaka amahoro arambye.

Yanavuze ko ibikorwa bya gisirikare, birimo n’ibitero bya drones, bikomeje kongera umwuka mubi hagati y’impande zihanganye.

Yongeyeho ko amasezerano yasinyiwe i Washington ashobora kuba intangiriro y’icyiciro gishya cy’ubufatanye n’ubwiyunge hagati y’u Rwanda na RDC, ariko ashimangira ko bizasaba ubushake bwa politiki n’ishyirwa mu bikorwa ry’ibyumvikanyweho ku mpande zose.

Aya magambo ya Minisitiri Nduhungirehe aje mu gihe amahanga akomeje gukurikiranira hafi ishyirwa mu bikorwa ry’amasezerano y’i Washington, afatwa nk’intambwe ishobora gufasha kugabanya umwuka mubi umaze igihe hagati y’u Rwanda na RDC.

Nubwo ayo masezerano yakiriwe nk’atanga icyizere, abasesenguzi bagaragaza ko amahoro arambye azashingira ku bushake bw’impande zombi bwo kubahiriza ibyo ziyemeje, birimo kurwanya imitwe yitwaje intwaro, gukemura ibibazo by’umutekano no kubaka icyizere hagati y’ibihugu byombi.

Mu gihe Leta ya RDC ikomeje gushinja u Rwanda gufasha umutwe wa AFC/M23, u Rwanda rwo rukomeje guhakana ibyo birego, rugashimangira ko ikibazo gikomeye gikomeje kubangamira umutekano wacyo ari ibikorwa by’umutwe wa FDLR ukorera mu burasirazuba bwa RDC.

Ibiganiro bya dipolomasi nko ku rwego rwa Washington bikomeje gufatwa nk’imwe mu nzira z’ingenzi zishobora gutanga amahirwe yo kugera ku mahoro arambye, mu gihe amahanga akomeje gukurikirana uko impande zose zizashyira mu bikorwa ibyo zumvikanyeho.

Rwandatribune.rw

Share This Article
Email Copy Link Print
Previous Article MIFOTRA Yahakanye Amakuru y’Izamuka Rusange ry’Imishahara y’Abakozi ba Leta
Next Article Rwanda Calls on Burundi to End Its Direct Involvement in the DR Congo Conflict
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURU

Musenyeri Vincent Harolimana Yujuje Imyaka 64, Amaze Imyaka 14 Ayoboye Diyosezi ya Ruhengeri

By
ICYITEGETSE Florentine
AMAKURUPOLITIKEUMUTEKANO

Amasezerano y’Amahoro ya RDC n’u Rwanda Ku Munzani w’Intambara

By
ICYITEGETSE Florentine
AMAKURUMU MAHANGAPOLITIKEUMUTEKANO

Ese Intambara Yo Mu Burasirazuba Bwa RDC Iri Hafi Kurangira? Icyo Abasesenguzi Bavuga Ku Biganiro Bya Washington na Doha

By
ICYITEGETSE Florentine
AMAKURUMU MAHANGAPOLITIKE

RDC: Abahoze mu Mutwe wa CRP wa Thomas Lubanga Bari Barahungiye Muri Uganda Basubiye Muri Ituri

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?