Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > RDC: Abahoze mu Mutwe wa CRP wa Thomas Lubanga Bari Barahungiye Muri Uganda Basubiye Muri Ituri
AMAKURUMU MAHANGAPOLITIKE

RDC: Abahoze mu Mutwe wa CRP wa Thomas Lubanga Bari Barahungiye Muri Uganda Basubiye Muri Ituri

ICYITEGETSE Florentine
Last updated: August 27, 2026 3:26 pm
ICYITEGETSE Florentine
Share
SHARE

Abahoze ari abarwanyi icyenda (9) bo mu mutwe witwaje intwaro wa Convention pour la Révolution Populaire (CRP), wari uyobowe na Thomas Lubanga, bari bamaze igihe barahungiye muri Uganda, basubiye mu Ntara ya Ituri muri Repubulika Iharanira Demokarasi ya Congo.

Aba bahoze ari abarwanyi bageze mu mujyi wa Bunia, umurwa mukuru w’Intara ya Ituri, aho ku wa Gatatu tariki ya 26 Kanama 2026 bakiriwe na Guverineri wa Gisirikare w’iyi ntara, Major General Kasongo Mulumba Batoka Gaby.

Bavuze ko icyatumye bafata icyemezo cyo gutaha ari ukugira uruhare mu nzira y’amahoro n’ubwiyunge ikkomeje muri Ituri.

Patrick Ruvale, wavugaga mu izina ry’aba bahoze ari abarwanyi, yavuze ko bamenye ko intambara nta terambere izana, bityo bagahitamo gutaha, gukora no kubana mu mahoro n’abandi baturage.

Ati: “Twabonye ko intambara nta cyo yubaka. Ni yo mpamvu twafashe icyemezo cyo gutaha iwacu, gukora no kubana mu mahoro n’abavandimwe bacu.”

Ruvale kandi yasabye imitwe yitwaje intwaro gushyira hasi intwaro, anasaba abandi baturage bahunze igihugu gutahuka, bakitabira inzira y’amahoro yashyizweho n’ubuyobozi bwa Repubulika Iharanira Demokarasi ya Congo.

Yagaragaje ko ubuzima bw’abaturage bari mu nkambi z’abimuwe n’intambara bukomeje kuba bugoye, avuga ko amahoro ari yo yonyine yatuma basubira mu byabo.
Ati: “Biragoye kugira uruhare mu nzira y’amahoro uri hanze y’igihugu cyawe.

Turasaba abari mu buhungiro ndetse n’abafite intwaro mu buryo butemewe n’amategeko guhitamo inzira y’amahoro.

Ababyeyi bacu, abavandimwe n’imiryango yacu barimo kubabara cyane mu nkambi z’abimuwe. Amahoro azatuma basubira mu byabo.”

CRP ni umutwe witwaje intwaro wari uyobowe na Thomas Lubanga, wahoze ayobora Union des Patriotes Congolais (UPC), nyuma akatirwa n’Urukiko Mpuzamahanga Mpanabyaha (ICC) kubera uruhare mu gushora abana mu mirwano.

Mu mezi ashize, bamwe mu barwanyi b’uyu mutwe bamaze gushyira intwaro hasi bakishyikiriza Ingabo za Repubulika Iharanira Demokarasi ya Congo (FARDC), mu gihe abandi bahungiye muri Uganda yari ibaturanye, bashaka guhunga ibikorwa bya gisirikare byaberaga muri ako gace.

Kugaruka kw’aba bantu icyenda gufatwa nk’intambwe mu gushimangira inzira y’amahoro n’ubwiyunge muri Ituri, cyane cyane mu gihe hakomeje gushishikarizwa imitwe yitwaje intwaro gushyira hasi intwaro no guhitamo ibiganiro n’ubwumvikane.

Rwandatribune.rw

Share This Article
Email Copy Link Print
Previous Article Papa Leo XIV Yavuze ko Ivugururwa ry’Imihango ya Misa Ryari Rikenewe
Next Article Isenyuka ry’Urubura rwo ku Misozi Rishobora Kuba Ari Ryo Ryateje Imyuzure Ikomeye Muri Nepal na Tibet
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUAMATANGAZOMU MAHANGAUBUTABERA

Influenceuse Denise Dusauchoy Yatawe Muri Yombi Muri Tanzania ku bw’Impapuro Mpuzamahanga zo Kumuta Muri Yombi

By
ICYITEGETSE Florentine
AMAKURUMU MAHANGAPOLITIKEUBUTABERA

Urukiko Rwategetse White House Gusubiza CNN, MS NOW na Politico mu Banyamakuru Bemerewe Kuyinjiramo

By
ICYITEGETSE Florentine
AMAKURUMU MAHANGAPOLITIKEUMUTEKANO

RDC: Umwuka Mubi Hagati y’Ingabo z’u Burundi na FARDC Nyuma yo Kunanirwa Kongera Gufata Point Zéro

By
ICYITEGETSE Florentine
AMAKURU

Rulindo:Litiro 26,000 z’Urwagwa rw’Akarusho Zamenwe Nyuma y’Ubugenzuzi

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?