Mu Ntara ya Kivu y’Amajyaruguru, hubatswe ikiraro gishya mu bikorwa remezo bikomeje gukorwa mu bice bya Teritwari ya Rutshuru biri munsi y’ubuyobozi bwa AFC/M23.
Guverineri wa Kivu y’Amajyaruguru, Bahati Musanga Erasto, yasuye iki kiraro kugira ngo agenzure imirimo yakozwe ndetse anarebe aho ibikorwa remezo muri aka gace bigeze.
Iki kiraro cyitezweho korohereza urujya n’uruza rw’abaturage, guteza imbere ubuhahirane no koroshya ingendo hagati y’ibice bitandukanye bya Rutshuru.
Kubakwa kw’iki kiraro biri mu bikorwa by’ibikorwa remezo byatangijwe muri aka gace, aho ubuyobozi bwa AFC/M23 buvuga ko bigamije guteza imbere imihanda, korohereza abaturage ingendo no kongera ubuhahirane hagati y’uduce dutandukanye.
Rutshuru ni kamwe mu duce two muri Kivu y’Amajyaruguru twibasiwe n’imvururu n’imirwano mu myaka ishize, bikagira ingaruka ku mibereho y’abaturage ndetse n’ubucuruzi.
Iki gikorwa rero gishyira imbere ibikorwa remezo bifasha abaturage mu ngendo no mu bucuruzi, mu gihe ubuyobozi bw’aka gace bukomeje ibikorwa byo kubaka no guteza imbere ibikorwa remezo.
Rwandatribune.rw
