Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > U Bufaransa Buri Gukora Ibishoboka ngo RDC Itava muri OIF Kubera Mushikiwabo
AMAKURUMU MAHANGAPOLITIKE

U Bufaransa Buri Gukora Ibishoboka ngo RDC Itava muri OIF Kubera Mushikiwabo

ICYITEGETSE Florentine
Last updated: November 7, 2026 8:03 pm
ICYITEGETSE Florentine
Share
SHARE

U Bufaransa buri gukora ibiganiro n’ubuyobozi bwa Repubulika Iharanira Demokarasi ya Congo (RDC), bugamije gukumira ko iki gihugu cyava mu Muryango Mpuzamahanga w’Ibihugu bikoresha Igifaransa (OIF), mu gihe hakomeje kutumvikana ku kongera gutorera Louise Mushikiwabo kuyobora uyu muryango.

Ibi bije nyuma y’uko Perezida wa RDC, Félix Tshisekedi, avuze ko igihugu cye gishobora kuva muri OIF mu gihe Mushikiwabo, ukomoka mu Rwanda, yaba yongeye gutorerwa kuyobora uyu muryango muri manda ya gatatu.

Ikinyamakuru Jeune Afrique, mu makuru cyasohoye ku wa 6 Ugushyingo 2026, cyatangaje ko u Bufaransa bwatangiye kongera imbaraga mu biganiro bya dipolomasi kugira ngo hirindwe ko RDC ifata icyemezo cyo kuva muri uyu muryango.

Amakuru yatangajwe na Jeune Afrique avuga ko Tshisekedi yagejeje kuri Minisitiri w’Ububanyi n’Amahanga w’u Bufaransa, Jean-Noël Barrot, umuburo w’uko igihugu cye gishobora kuva muri OIF mu gihe Mushikiwabo yakongera gutorerwa kuyiyobora. Ibi ngo yabivuze ubwo Barrot yasuraga Kinshasa ku wa 2 Ukwakira 2026.

Mu gushaka gukemura iki kibazo, Perezida w’u Bufaransa, Emmanuel Macron, bivugwa ko yasabye Tshisekedi ko amatora y’Umunyamabanga Mukuru wa OIF yasubikwaho umwaka umwe cyangwa ibiri, Mushikiwabo agakomeza kuyobora muri icyo gihe. Icyakora, Perezida wa RDC ngo ntiyemeye icyo cyifuzo.

U Bufaransa kandi bwongereye ibiganiro n’abayobozi batandukanye ba RDC, barimo Crispin Mbadu, Minisitiri wungirije ushinzwe ibijyanye na Francophonie na Diaspora, ndetse n’abandi banyapolitiki bo mu karere, hagamijwe gushaka umuti w’iki kibazo.

Impungenge za Paris zishingiye no ku ruhare RDC ifite muri OIF. Iki gihugu gifite abaturage barenga miliyoni 100, kikaba kiri mu bihugu bifite umubare munini w’abavuga Igifaransa ku Isi. Kucyibura byaba ari igihombo gikomeye ku muryango uhuriyemo ibihugu n’abaturage bakoresha urwo rurimi.

Hagati aho, RDC ikomeje gushyigikira umukandida wayo, Juliana Amato Lumumba, umukobwa wa Patrice Emery Lumumba wabaye Minisitiri wa mbere w’Intebe wa Congo nyuma y’ubwigenge.

Ahanganye na Louise Mushikiwabo, usanzwe ayobora OIF, ndetse na Dacian Cioloș wahoze ari Minisitiri w’Intebe wa Romania na Coumba Ba wo muri Mauritania.

Amatora yo guhitamo Umunyamabanga Mukuru mushya wa OIF ateganyijwe ku wa 15 n’uwa 16 Ugushyingo 2026, mu nama izabera i Phnom Penh muri Cambodia.

Ku ruhande rwa RDC, ikibazo ntikigarukira ku guhatanira umwanya w’Umunyamabanga Mukuru wa OIF, ahubwo cyahindutse n’ikibazo cya dipolomasi, aho Kinshasa itifuza ko Mushikiwabo ahabwa manda ya gatatu.

Nubwo u Bufaransa buri gukora ibiganiro kugira ngo RDC itava muri uyu muryango, kugeza ubu nta cyemezo cya nyuma cyatangajwe na Kinshasa cyo kuwuvamo.

Share This Article
Email Copy Link Print
Previous Article Kenya: Gushuka Abayoboke ko Kwicwa n’Inzara Bizabageza mu Ijuru, Byatumye Akatirwa Imyaka 200
Next Article Kalehe: FRN Yigararuriye Ibindi Bice Bya Kalonge na Bitale
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUAMATANGAZOUBUREZI

Amanota y’Ibizamini Bisoza Amashuri Yisumbuye Azatangazwa Kuri Uyu wa 5

By
ICYITEGETSE Florentine
AMAKURU

Jenoside: Abagabo Babiri Bari Bamaze Imyaka Bihishahisha Mu Budage na Canada Batawe muri Yombi

By
ICYITEGETSE Florentine
AMAKURUMU MAHANGAPOLITIKE

RDC Irateganya Kuvugurura Ambasade Zayo Guhera Mu 2027

By
ICYITEGETSE Florentine
AMAKURUMU MAHANGAUBUZIMA

Africa CDC Irasaba Ibisobanuro ku Mikoreshereze ya Miliyoni 962 z’Amadolari Yagenewe Kurwanya Ebola muri RDC

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?