Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Ubutabera:Matayo Ngirumpatse Wakatiwe Burundu Yongeye Gusaba IRMCT Kumufungura Kubera Uburwayi n’Izabukuru
AMAKURU

Ubutabera:Matayo Ngirumpatse Wakatiwe Burundu Yongeye Gusaba IRMCT Kumufungura Kubera Uburwayi n’Izabukuru

ICYITEGETSE Florentine
Last updated: July 26, 2026 2:50 pm
ICYITEGETSE Florentine
Share
SHARE

Matayo Ngirumpatse, wahoze ari Perezida w’ishyaka MRND wahamijwe ibyaha bya Jenoside n’ibyaha byibasiye inyokomuntu agakatirwa igifungo cya burundu, yongeye gusaba Urwego Mpuzamahanga rushinzwe imirimo y’insigarira y’inkiko mpanabyaha (IRMCT) kumufungura mbere y’igihe, ashingiye ku bibazo bikomeye by’ubuzima n’izabukuru.

Ngirumpatse, wabaye Perezida wa MRND kuva mu 1975 kugeza mu 1994, yahamijwe n’Urukiko Mpuzamahanga Mpanabyaha rwashyiriweho u Rwanda (ICTR) uruhare mu gutegura Jenoside yakorewe Abatutsi, gushishikariza Interahamwe gukora Jenoside no gufata ku ngufu abagore n’abakobwa b’Abatutsi.

Ku wa 2 Gashyantare 2012 yakatiwe igifungo cya burundu, igihano cyaje kwemezwa n’urugereko rw’ubujurire ku wa 29 Nzeri 2014.

Kuva mu 2017, Ngirumpatse afungiye muri gereza ya Sébikhotane muri Sénégal, aho yimuriwe avanywe i Arusha muri Tanzania.

Mu ibaruwa yo ku wa 23 Nyakanga 2026, umwunganizi we mu mategeko, Me Frédéric Weyl, yasabye Perezida wa IRMCT, Graciela Gatti Santana, kurekura umukiliya we cyangwa se kugabanyiriza igihano.

Uyu munyamategeko yavuze ko Ngirumpatse w’imyaka 86 arwaye indwara zirimo diabete, Hepatite C, umuvuduko ukabije w’amaraso, stroke ndetse n’ibibazo by’amaso.

Yavuze kandi ko stroke yatumye adashobora kwihagurutsa cyangwa gukora ibikorwa bya buri munsi adafashijwe, ndetse ko agendera ku nkoni nyuma yo kugwa inshuro nyinshi.

Me Weyl yavuze ko Ngirumpatse atakibasha kwiyitaho, kuko afashwa n’undi mufungwa mu mirimo ya buri munsi irimo kuzana amazi, gusukura aho afungiye no guhindura ibisaswa.

Mu busabe bwe, Ngirumpatse yanagaragaje ko Sénégal ifite gahunda yo kudakomeza gufunga abantu bafite imyaka irenga 70, bityo akabona na we akwiriye kugirirwa impuhwe hashingiwe ku myaka ye n’ubuzima bwe.

Icyakora, amategeko ya IRMCT ateganya ko abakatiwe igifungo cya burundu bashobora gusaba gufungurwa ari uko baba barangije nibura bibiri bya gatatu by’igifungo, gihwanye n’imyaka 30 mu ibarura hashingiye ku gihano cy’imyaka 45. Bivuze ko Ngirumpatse ashobora kuba yujuje icyo gisabwa muri Kamena 2028.

Umwunganizi we avuga ko gutegereza kugeza icyo gihe bishobora kuba ikibazo gikomeye bitewe n’ubuzima bwe bukomeje kuzahara.

Nubwo asaba kurekurwa, Ngirumpatse akomeza kuvuga ko ari umwere, akemeza ko yahamijwe ibyaha ahanini bitewe n’uko yari Perezida wa MRND, nubwo yubaha imyanzuro ya nyuma yafashwe n’urugereko rw’ubujurire rwa ICTR.

Si ubwa mbere asabye gufungurwa mbere y’igihe. Mu 2024 na bwo yari yatanze ubusabe nk’ubwo, ariko IRMCT irabwangira ivuga ko atari yujuje igihe giteganywa n’amategeko kugira ngo asuzumirwe kurekurwa mbere y’igihe.

Rwandatribune.rw

Share This Article
Email Copy Link Print
Previous Article Ubushinwa Bwasabye Ko Ibihugu Bihagarika Kwigarurira Umutungo w’Ibindi Hakoreshejwe Ibihano n’Igitutu Cya Gisirikare
Next Article DR Congo Accused of Staging FDLR Dismantling Effort Amid Washington Peace Commitments
Leave a Comment

Leave a Reply Cancel reply

Your email address will not be published. Required fields are marked *

You Might Also Like

AMAKURUMU MAHANGAPOLITIKE

Zambia: Abaturage Barenga Miliyoni 8,7 Bagiye Gutora Perezida, Hichilema Ahatanira Manda ya Kabiri

By
ICYITEGETSE Florentine
UMUTEKANOAMAKURUMU MAHANGA

RDC: AFC/M23 Ivuga ko Yafashe Uduce Dutatu Nyuma y’Ibihano Bya Loni

By
ICYITEGETSE Florentine
UMUTEKANOAMAKURUMU MAHANGA

Icyateye Urusaku rw’Amasasu Yumvikanye Hafi y’Ibiro Bya Tshisekedi Cyamenyekanye

By
ICYITEGETSE Florentine
AMAKURU

Ngoma: Yapfuye Nyuma Yo Kunywa Umuti Gakondo, Umugore We Arembeye Kwa Muganga

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?