Sunday, 22 Nov 2026
  • My Feed
  • My Interests
  • My Saves
  • History
  • News
KINYARWANDA
ENGLISH
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Hot News
FRN Yigaruriye Utundi Turere 4 Muri Kalehe
Uganda: Ubutumwa Bwa Muhoozi Kuri Alupo Bwakurikiwe no Kuburirwa Irengero kwa Konti Ye ya X
RDC: Abasirikare 66 Bakatiwe Urwo Gupfa Bazira Ubugwari mu Ntambara
RDC: Ikibuga cy’Indege cya Bunia Cyakomeje Gufungwa Kugeza Muri Gashyantare 2027
OMS Yihanangirije ku Bitero Byagabwe ku Bigo Bivura Ebola Muri Kivu ya Ruguru
Font ResizerAa

RWANDA TRIBUNE

Search
  • AHABANZA
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Have an existing account? Sign In
Follow US
© 2026 RWANDA TRIBUNE. KENT SHIELD. All Rights Reserved.
RWANDA TRIBUNE > News > AMAKURU > Abasenateri ba Amerika Banenze NBA ku Mikoranire Ifitanye n’u Rwanda, Isubiza Iti…
AMAKURUPOLITIKESports

Abasenateri ba Amerika Banenze NBA ku Mikoranire Ifitanye n’u Rwanda, Isubiza Iti…

ICYITEGETSE Florentine
Last updated: November 4, 2026 1:56 pm
ICYITEGETSE Florentine
Share
SHARE

Ishyirahamwe ry’Umukino wa Basketball muri Amerika (NBA) ryagaragaje ko ritateganya guhagarika imikoranire n’u Rwanda, nubwo Abasenateri babiri bo muri Leta Zunze Ubumwe za Amerika barisabye kongera gusuzuma ubwo bufatanye, bashingiye ku mpungenge z’umutekano n’ibirego by’ihohoterwa ry’uburenganzira bwa muntu mu Burasirazuba bwa Repubulika Iharanira Demokarasi ya Congo (RDC).

Ibi byagaragajwe na Visi Komiseri wa NBA, Mark Tatum, mu ibaruwa yashubije Abasenateri Jeff Merkley na Marsha Blackburn bari bandikiye Komiseri w’iri shyirahamwe, Adam Silver, basaba ibisobanuro ku mikoranire ya NBA na Guverinoma y’u Rwanda.

Aba basenateri bombi, umwe wo mu Ishyaka ry’Aba-Demokarate n’undi wo mu Ishyaka ry’Aba-Repubulikani, bagaragaje impungenge z’uko NBA ikomeje kwagura ibikorwa byayo bifitanye isano n’u Rwanda, mu gihe barushinja kugira uruhare mu bibazo by’umutekano muke mu Burasirazuba bwa RDC.

Mu ibaruwa yabo yo ku wa 26 Ukwakira 2026, bavuze ko ubufatanye bwa NBA n’u Rwanda bushobora gukoreshwa mu kunoza isura y’Igihugu ku rwego mpuzamahanga, mu gihe hari ibirego by’ihohoterwa ry’uburenganzira bwa muntu. Ibi babihuje n’ibizwi nka Sportswashing, aho siporo ikoreshwa mu guhindura isura y’igihugu cyangwa ubutegetsi buri kunengwa.

Basabye NBA gusobanura impamvu ikomeje ubwo bufatanye, banayibaza niba hari urwego ntarengwa rw’ibikorwa cyangwa ibirego by’ihohoterwa rwazatuma ihagarika kwakira amafaranga ava mu bihugu bifitanye ibibazo nk’ibyo.

Mu gusubiza, Mark Tatum yavuze ko NBA igendera kuri politiki ya Leta Zunze Ubumwe za Amerika mu gufata ibyemezo bijyanye n’ibikorwa byayo by’ubucuruzi mu bihugu bitandukanye.

Yagaragaje ko imikoranire yaryo n’ibihugu itagendera ku buryo bumwe, ahubwo ko buri gihugu gisuzumwa hakurikijwe uko ibintu bihagaze n’amabwiriza ya Leta ya Amerika.

Tatum yongeyeho ko NBA yamagana ihohoterwa ry’uburenganzira bwa muntu aho ryaba ribera hose, anavuga ko iri shyirahamwe rizakomeza guhindura imikorere yaryo uko impinduka muri politiki ya Amerika zizabisaba.

Mu kugaragaza ko NBA ishyira mu bikorwa politiki ya Amerika, Tatum yatanze urugero rw’ikipe ya APR Basketball Club, isanzwe ifitanye isano na Minisiteri y’Ingabo z’u Rwanda.

Iyi kipe ntiyitabiriye irushanwa rya Basketball Africa League (BAL) rya 2026, nyuma y’ibihano Leta Zunze Ubumwe za Amerika yafatiye Ingabo z’u Rwanda muri Werurwe uyu mwaka.

Tatum yavuze ko APR itazemererwa kongera kwitabira BAL mu gihe ibyo bihano bizaba bitaravaho.

Nubwo bimeze bityo, NBA ntiyatangaje ko igiye guhagarika ubufatanye rusange ifitanye n’u Rwanda, ahubwo yashimangiye ko izakomeza kugendera ku mabwiriza na politiki ya Leta ya Amerika.

Imikoranire y’u Rwanda na NBA igaragarira cyane muri Basketball Africa League, irushanwa rihuza amakipe akomeye muri Afurika, aho Kigali imaze kuba imwe mu mijyi yakira imikino ikomeye yaryo, ikabera muri BK Arena.

Ubufatanye kandi bugamije guteza imbere umukino wa Basketball muri Afurika, guteza imbere impano z’abakinnyi no kumenyekanisha ibihugu byakira iri rushanwa.

Ibaruwa ya Tatum ije mu gihe ibigo n’amashyirahamwe atandukanye byagiye bisubiramo imikoranire yabyo n’u Rwanda. Amakipe ya Arsenal yo mu Bwongereza na Bayern Munich yo mu Budage yatangaje ko ahagarika amasezerano yari afitanye na gahunda ya Visit Rwanda mu 2025.

Ku rundi ruhande, u Rwanda rukomeje gukorana n’ibigo mpuzamahanga mu bikorwa byo guteza imbere siporo, birimo n’amasezerano y’imyaka 10 rwagiranye na Formula 1 yo kwakira irushanwa rya Grand Prix mu ntangiriro z’imyaka ya 2030.

Kugeza ubu, igisubizo cya NBA kigaragaza ko idahita ihagarika imikoranire n’u Rwanda, ariko ko izakomeza kugenzura ibikorwa byayo hashingiwe ku mpinduka muri politiki ya Leta Zunze Ubumwe za Amerika.

Rwandatribune.rw

Share This Article
Email Copy Link Print
Previous Article James Swan Yahuye na Kabila n’Abayobozi ba FRN i Goma
Next Article Abayobozi bo mu Burasirazuba bwa Uganda Basabye Museveni Gukurikirana Ikibazo cya Gen Peter Elwelu
Leave a Comment

Leave a Reply Cancel reply

Your email address will not be published. Required fields are marked *

You Might Also Like

POLITIKEAMAKURUMU MAHANGA

Trump na Netanyahu Bagiye Kuganira ku Kohereza Umutwe Mpuzamahanga Muri Gaza Urimo n’Ingabo Za Uganda

By
ICYITEGETSE Florentine
AMAKURU

Umuyobozi w’Umudugudu Yeguye Nyuma yo Gufatanwa Inzoga Zitujuje Ubuziranenge

By
ICYITEGETSE Florentine
AMAKURU

Loni yahaye u Rwanda miliyoni 2 z’Amadolari yo gukaza ingamba zo kwirinda Ebola

By
ICYITEGETSE Florentine
MU MAHANGAAMAKURU

Urukiko rwa Cassation rwasubitse urubanza rwa Constant Mutamba kugeza ku wa 31 Nyakanga

By
ICYITEGETSE Florentine
Facebook Twitter Youtube Rss Medium

About US

RWANDA TRIBUNE News: Your instant connection to breaking stories and live updates. Stay informed with our real-time coverage across politics, tech, entertainment, and more. Your reliable source for 24/7 news.

Top Categories
  • AMAKURU
  • AMATANGAZO
  • IMIKINO
  • IMYIDAGADURO
  • MU MAHANGA
  • POLITIKE
  • UMUTEKANO
Usefull Links
  • Privacy Policy
  • About Rwanda Tribune
  • Contact Rwanda Tribune
  • News

© RWANDA TRIBUNE. KENT SHIELD. All Rights Reserved.

© 2026 RWANDA TRIBUNE. KENT SHIELD. All Rights Reserved.
Welcome Back!

Sign in to your account

Username or Email Address
Password

Lost your password?