Ubuyobozi bwa Politiki bw’Ihuriro AFC/M23 bwategetse abayobozi ba politiki bose bafite ibikoresho bya gisirikare kubishyikiriza Ingabo za ARC (Armée Révolutionnaire Congolaise), ishami rya gisirikare ry’uyu mutwe, mu rwego rwo gukaza igenzura ry’imikoreshereze yabyo.
Iki cyemezo cyafatiwe mu nama yabaye ku wa 24 Nyakanga 2026, yahuje ubuyobozi bwa politiki n’abayobozi ba gisirikare ba ARC, hagamijwe gusuzuma uburyo ibikoresho bya gisirikare bikoreshwa n’ababifitiye uburenganzira gusa.
Ubuyobozi bwa AFC/M23 bwatangaje ko ibi bigamije gushimangira imikorere yubahiriza amategeko n’amabwiriza y’umutwe, ndetse no kurushaho kugenzura ikoreshwa ry’ibikoresho bya gisirikare.
Bwongeye kwihanangiriza abayobozi bose bireba ko uzirengagiza aya mabwiriza cyangwa akanga gusubiza ibyo bikoresho azahanwa hakurikijwe amabwiriza yashyizweho.
Rwandatribune.rw
