Ingabo za Repubulika Iharanira Demokarasi ya Congo (FARDC) zivuga ko zongeye kugenzura agace ka Mungunga, muri Teritwari ya Masisi, nyuma y’uko abarwanyi ba AFC-M23 bari bahagenzura bavuye muri ako gace.
Amakuru yatangajwe ku wa Gatanu avuga ko abarwanyi ba AFC-M23 batangiye kuva muri Mungunga ahagana saa 10:36 za mu gitondo, nta mirwano yabanje kuba hagati yabo n’ingabo za FARDC.
Bivugwa ko abarwanyi bagera kuri 12 bari bashinzwe umutekano w’ako gace bahavuye nyuma yo kumenya ko FARDC, ifatanyije n’abarwanyi ba Wazalendo, yari iteganya kuhagaba igikorwa cya gisirikare.
Kugeza ubu, aya makuru aturuka ku ruhande rushyigikiye FARDC, bityo akaba agikomeje gutegereza andi makuru yigenga ayemeza.
Rwandatribune.rw
