Minisitiri w’Ubuhinzi wa Moldova, Radu Musteata, yeguye ku mwanya we nyuma y’iminsi itatu gusa arahiriye kuwukora, nyuma y’uko havutse impaka ku makuru yavugaga ko yigeze kuba mu Ishyaka Democratic Party ryahoze riyobowe n’umuherwe Vladimir Plahotniuc, wahamwe n’ibyaha bya ruswa n’uburiganya.
Nubwo Musteata yakomeje guhakana ko atigeze aba umunyamuryango w’iryo shyaka, ibitangazamakuru byo muri Moldova byatangaje amafoto amugaragaza mu bikorwa byaryo ndetse anahabwa ikarita y’ubunyamuryango.
Mu butumwa yanyujije ku mbuga nkoranyambaga, yavuze ko yahisemo kwegura kugira ngo arinde icyizere abaturage bafitiye Guverinoma nshya.
Yagize ati: “Guverinoma ifite inshingano zo gushyira mu bikorwa impinduka zikomeye mu gihe gito.
Mu rwego rwo gukomeza icyizere abaturage bayifitiye, nabonye ko kwegura ari cyo cyemezo gikwiye.”
Radu Musteata yasimbuye Ludmila Catlabuga, wari usanzwe ari Minisitiri w’Ubuhinzi n’Inganda zitunganya ibikomoka ku buhinzi muri Guverinoma ya Moldova.
Rwandatribune.rw
