Sir Keir Starmer yeguye ku mwanya wa Minisitiri w’Intebe w’u Bwongereza, ashyikiriza Umwami Charles III ubwegure bwe mu muhango wabereye ku Ngoro ya Buckingham Palace, bityo asoza ku mugaragaro manda ye yo kuyobora guverinoma.
Mbere yo kujya ku Ngoro y’Umwami, Starmer yabanje kugeza ijambo rye rya nyuma ku baturage ari imbere ya 10 Downing Street, aho yashimiye Abongereza ku cyizere bamugiriye ndetse anashimira abagize guverinoma ye ku bufatanye bamugaragarije mu gihe yari ayoboye igihugu.
Nk’uko biteganywa n’amategeko n’imigenzo y’u Bwongereza, Minisitiri w’Intebe ucyuye igihe abanza gushyikiriza Umwami ubwegure bwe mbere y’uko hahamagarwa uzamusimbura.
Nyuma yo kwakira ubwegure bwa Starmer, Umwami Charles III yahise aha Andy Burnham inshingano zo gushinga guverinoma nshya, bituma aba Minisitiri w’Intebe mushya w’u Bwongereza.
Ihererekanyabubasha ryabaye mu buryo bwubahirije amategeko n’imigenzo ya demokarasi y’u Bwongereza, aho ubuyobozi bushya butangira inshingano zabwo ako kanya nyuma yo guhabwa uburenganzira n’Umwami.
Ubwegure bwa Starmer buje bukurikira impinduka zabaye muri politiki y’u Bwongereza, zirimo ihinduka ry’ubuyobozi bw’Ishyaka ry’Abakozi (Labour Party), ryavuyemo ishyirwaho rya Minisitiri w’Intebe mushya.
Rwandatribune.rw
